DC vs CSK : இக்கட்டான சூழலில் தத்தளிக்கும் சிங்கங்கள்...ப்ளே-ஆஃபில் நுழையுமா சென்னை அணி?

ஐபிஎல் போட்டியில் சென்னை, டெல்லி அணிகள் இன்று தங்களது கடைசி லீக் ஆட்டத்தில் விளையாட உள்ளது.

டெல்லி கேபிட்டல்ஸ் - சி.எஸ்.கே

16வது ஐபிஎல் சீசன் கடந்த மார்ச் 31 ஆம் தேதி தொடங்கியது. மொத்தம் 10 அணிகள் பங்கேற்ற இந்த தொடரில் நாளையுடன் லீக் போட்டிகள் முடிவடைகிறது.

இந்நிலையில் இன்று சென்னை மற்றும் டெல்லி அணிகள் தங்களது கடைசி லீக் ஆட்டத்தை ஆட உள்ளது.

ஏற்கனவே ப்ளே-ஆஃப் வாய்ப்பை டெல்லி அணி இழந்துள்ள நிலையில் சென்னை அணி இந்தப் போட்டியில் கட்டாயம் வெல்ல வேண்டிய நிலையில் உள்ளது.

இதுவரை நடந்த போட்டிகளில் குஜராத் அணி மட்டுமே பிளே ஆஃப் சுற்றை உறுதி செய்துள்ளது. ஹைதராபாத், டெல்லி, பஞ்சாப் அணிகள் தொடரில் இருந்து வெளியேறி விட்டது. மீதமுள்ள 3 இடங்களுக்கு சென்னை, லக்னோ, பெங்களூரு, மும்பை அணிகள் இடையே கடும் போட்டி நிலவுகிறது.

இந்தப் போட்டியில் வெற்றி பெறும் பட்சத்தில் சென்னை அணி ப்ளே ஆஃப்ஸிற்கு தகுதி பெறும். வெற்றி பெறாவிடில் மற்ற அணிகளின் முடிவுக்காக காத்திருக்க வேண்டியிருக்கும்.

டெல்லி அணியின் மோசமான ஃபார்மை உபயோகித்து சென்னை அணி வெற்றி பெற சென்னை ரசிகர்கள் ஆவலோடு இருகின்றனர். மேலும், டெல்லி அணி தனது ஹோம் க்ரௌண்ட் ஆன அருண் ஜெட்லி மைதானத்தில் மோசமான ரெக்கார்டை கொண்டுள்ளது என்பது குறிப்பிடத்தக்கது.