IPL 2023 : இன்னும் 8 ரன்கள் போதும்..புதிய சாதனையை படைப்பாரா தோனி?

சென்னை சூப்பர் கிங்ஸ் அணியின் கேப்டன் எம்.எஸ்.தோனி ஐபிஎலில் 5000 ரன்களை கடக்க இன்னும் 8 ரன்கள் தேவைப்படுகிறது.

ஐபிஎலில் களம் காணும் எம்.எஸ் தோனி

முன்னாள் இந்திய அணியின் கேப்டன் எம்.எஸ்.தோனி தனது முதல் ஐபிஎல் போட்டியை 2008ல் விளையாடினார்.

ஜபிஎலின் முதல் சீசனில் அதிக விலைக்கு எடுக்கப்பட்டவர் தோனி.

இன்றுவரை 235 போட்டிகளில் விளையாடி 4992 ரன்கள் எடுத்துள்ளார். மிடில் ஆர்டரில் இறங்கும் இவர், 84 ரன்களை வரை ஸ்கோர் செய்துள்ளார்.

அவரது ஐபிஎல் வரலாற்றில், 347 பவுண்டரிகள் மற்றும் 230 சிக்ஸர்களை விளாசியுள்ளார்.

இந்த சீசனின் முதல் போட்டியில், குஜராத்திற்கு எதிராக களம்கண்ட தோனி 7 பந்துகளில் 14 ரன்களை குவித்தார். இதில், ஒரு பவுண்டரியும் சிக்ஸரும் அடங்கும்.

இன்று நடக்கும் லக்னோவிற்கு எதிரான ஆட்டத்தில், தோனி 5000 ரன்களை கடக்க இன்னும் 8 ரன்கள் தேவைப்படுகிறது.