MI vs SRH: மும்பைக்கு செக் வைத்த கொல்கத்தா... அசாத்திய வெற்றி சாத்தியமா?

ரோஹித் ஷர்மா

லீக் சுற்றின் கடைசி நாளான இன்று இரண்டு போட்டிகள் நடைபெற உள்ளன. சன்ரைசர்ஸ் ஹைதராபாத் - மும்பை இந்தியனஸ் அணிகள் மோதும் போட்டி அபு தாபியிலும், டெல்லி கேப்பிடல்ஸ் - ராயல் சாலஞ்சர்ஸ் பெங்களூரு அணிகள் மோதும் போட்டி துபாயிலும் நடைபெற உள்ளது.

தற்போது நான்காவது இடத்தில் இருக்கும் கொல்கத்தா அணி கிட்டத்தட்ட ப்ளே ஆஃப் வாய்ப்பை உறுதி செய்துவிட்டது என்றாலும், நடப்பு சாம்பியனான மும்பை இந்தியன்ஸ் கடைசி லீக் போட்டியை எப்படி முடிக்கப்போகின்றது என்ற எதிர்ப்பார்ப்பு அதிகரித்துள்ளது

மும்பை - ஹைதராபாத் அணிகள் மோதும் போட்டியில், மும்பை முதலில் பேட்டிங் செய்ய வேண்டும். முதலில் பேட் செய்து 200-க்கும் அதிகமான ரன்களை குவிக்க வேண்டும்.

இமாலய இலக்கை செட் செய்து, ஹைதராபாத் அணியை 170 ரன்கள் வித்தியாசத்தில் வீழ்த்த வேண்டும். இந்த அசாத்தியமான வெற்றி சாத்தியமானால் மட்டுமே புள்ளி அடிப்படையிலும், ரன் ரேட் அடிப்படையிலும் மும்பை அணியால் கொல்கத்தாவை பின்னுக்குத் தள்ளி ப்ளே ஆஃப் வாய்ப்பை பெற முடியும்!

ஐபிஎல் வரலாற்றில், இதுவரை இரு அணிகளும் 17 முறை நேருக்கு நேர் மோதியுள்ளன. இதில், மும்பை அணி 9 முறையும், ஹைதராபாத் அணி 8 முறையும் வெற்றி பெற்றுள்ளது.

இரு அணிகளும் மோதிக் கொண்ட் போட்டிகளில், முதலில் பேட்டிங் செய்து 5 முறை மும்பையும், 3 முறை ஹைதராபாத் அணியும் வெற்றி பெற்றுள்ளன. சேஸிங் செய்து 5 முறை ஹைதராபாத் அணியும், 4 முறை மும்பை அணியும் வெற்றி பெற்றுள்ளன.