H.S.Prannoy wins gold : மலேசியா மாஸ்டர்ஸ் பேட்மின்டனில் முதன்முறையாக தங்கம் வென்றார் ப்ரணாய்!

நேற்று நடைப்பெற்ற ஆண்கள் ஒற்றையர் பிரிவின் இறுதிப்போட்டியில் இந்தியாவை சேர்ந்த எச்.எஸ்.பிரணாய் வெற்றி பெற்று தங்கப் பதக்கத்திற்கு முத்தமிட்டார்.

எச்.எஸ்.பிரணாய்

மலேசியா மாஸ்டர்ஸ் பேட்மின்டன் 2023 கடந்த மே 23 ஆம் தேதி தொடங்கி மே 28 ஆம் தேதி வரை மலேசியா, கோலாலம்பூரில் நடைப்பெற்றது.

இந்நிலையில் நேற்று நடைப்பெற்ற ஆண்கள் ஒற்றையர் பிரிவின் இறுதிப்போட்டியில் இந்தியாவை சேர்ந்த எச்.எஸ்.பிரணாய் வெற்றி பெற்று தங்கப் பதக்கத்திற்கு முத்தமிட்டார்.

இறுதிப் போட்டியில் சீன வீரர் வெங் ஹாங் யாங்குடன் மோதிய ப்ரணாய், 21-19 என்ற புள்ளிக்கண்ககில் முன்னிலை பெற்றார்.

இரண்டாவது செட்டில் ஹாங் யாங் ஆதிக்கம் செலுத்தி வெற்றி பெற, முன்றாம் செட் ஆட்டம் பரபரப்பாக நடந்த நிலையில் ப்ரணாய் வெற்றி பெற்றார்.

90 நிமிடங்களுக்கும் மேலாக நடந்த இவ்வாட்டத்தில் 21-19, 13-21, 21-18 என்ற செட் கணக்கில் வென்று 6 ஆண்டுகளுக்கு பிறகு தங்கப் பதக்கத்திற்கு முத்தமிட்டார் ப்ரணாய்.

இந்த வெற்றியின் மூலம் மலேசியா மாஸ்டர்ஸ் பேட்மின்டன் ஒற்றையர் பிரிவில் தங்கம் வென்ற முதல் இந்திய ஆண் என்ற புகழைப் பெறுகிறார் ப்ரணாய்.