Shubman gill: சர்ச்சைக்குள்ளான நடுவர்களின் முடிவு..பெரிய தாக்கத்தை ஏற்படுத்துமா சுப்மன் கில் லின் விக்கெட்?

பந்து க்ரீனின் கையை விட்டு வெளியே வந்து புற்களில் பட்டது தெளிவாக தெரிந்த பின்னும் மூன்றாவது நடுவர் அவுட் கொடுத்தது அதிர்ச்சியும் சர்ச்சையும் ஏற்படுத்துயுள்ளது.

WTC இறுதிப் போட்டி

இந்தியா மற்றும் ஆஸ்திரேலியா அணிகளுக்கு இடையிலான உலக டெஸ்ட் சாம்பியன்ஷிப்பின் இறுதிப்போட்டி பரபரப்பான கட்டத்தை எட்டியுள்ளது.

ஆஸ்திரேலியா, இந்திய அணிக்கு 444 ரன்களை இலக்காக நிர்ணயித்துள்ளது.

444 என்ற இமாலய இலக்கை அடைய அதிரடியாக களமிறங்கியது ரோஹித்-கில் கூட்டணி.

இந்நிலையில் 7ஆவது ஓவரை போலந்து வீச பந்து சைட் எட்ஜ் ஆகி 3 ஆவது ஸ்லிப்பில் இருந்த க்ரீன் ஒற்றை கையில் கேட்ச் பிடித்தார். இறுதியாக பந்து தரையில் பட்டது போல் தெரிந்ததை அடுத்து 3ஆம் நடுவரிடம் ரிவ்யூ பார்க்கப்பட்டது.

ரிவ்யூ பார்த்த போது பந்து க்ரீனின் கையை விட்டு வெளியே வந்து புற்களில் பட்டது தெளிவாக தெரிந்த பின்னும் மூன்றாவது நடுவர் அவுட் கொடுத்தது அதிர்ச்சியும் சர்ச்சையும் ஏற்படுத்துயுள்ளது.

இது குறித்து பல முன்னாள் கிரிக்கெட் வீரர்களும் ரசிகர்களும் கண்டனங்களை தெரிவித்து வருகின்றனர்.