Cooking Tips : உங்கள் சமையலை சட்டுன்னு முடிக்க இந்த சூப்பரான சமையல் டிப்ஸை தெரிந்து கொள்ளுங்கள்!

Cooking Tips : உங்கள் சமையலை எளிதாக்கும் இந்த சமையல் டிப்ஸ்களை நிச்சயம் தெரிந்து கொள்ளுங்கள்.

சமையல் குறிப்புகள்

கத்தரிக்காய் பொரியல், கூட்டு எது செய்தாலும் அதில் கொஞ்சம் கடலை மாவு தூவி இறக்கி வைத்தால் சுவை அருமையாக இருக்கும்.

உளுந்த வடைக்கு மாவு ஆட்டும் போது சிறிது கொத்தமல்லி சேர்த்து ஆட்டினால் சுவையாகவும் மணமாகவும் இருக்கும்.

இட்லி மாவில் உப்பு அதிகமாகிவிட்டால் இரண்டு கரண்டி அரிசி, இரண்டு கரண்டி உளுந்தை ஊற வைத்து அரைத்து மாவுடன் சேர்த்தால் மாவின் உப்பு அளவு சரியாகிவிடும்.

டீயில் சிறிதளவு பெருஞ்சீரகம் சேர்த்து கொதிக்க வைத்தால் டீ சுவையாக இருக்கும்.

அரிசியுடன் கறிவேப்பிலை இலைகள் போட்டு வைத்தால் அரிசியில் வண்டு, பூச்சிகள் வராது.

பூண்டு உறிக்க கடினமாக இருந்தால், சிறிது நேரம் வெயிலில் உலர்த்தி பின் எளிதாக உறித்துவிடலாம்.