Potato Bajji : டீ கடை ஸ்டைலில் உருளைக்கிழங்கு பஜ்ஜி செய்வது எப்படி?

Potato Bajji : உங்கள் வீட்டில் உருளைக்கிழங்கு நிறைய இருக்கா ? அப்போ வெறும் 15 நிமிடத்தில் இந்த உருளைக்கிழங்கு பஜ்ஜியை செய்து விடலாம்.

உருளைக்கிழங்கு பஜ்ஜி

தேவையான பொருட்கள்: கடலை மாவு - 1 கப், அரிசி மாவு - 2 டீஸ்பூன், உப்பு, மஞ்சள் தூள் சிட்டிகை, மிளகாய் தூள் - 1 டீஸ்பூன், மிளகு தூள் - 1/2 டீஸ்பூன், கேசரி பவுடர் ஒரு சிட்டிகை , தண்ணீர்

செய்முறை: முதலில் உருளைக்கிழங்கை வட்டமாக நறுக்கி தண்ணீரில் அலசி எடுத்துக் கொள்ளவும்.

அடுத்தது ஒரு பாத்திரத்தில் கடலை மாவு, அரிசி மாவு, உப்பு, மஞ்சள் தூள், மிளகாய் தூள், மிளகு தூள், கேசரி பவுடர் சேர்த்துக் கொள்ளவும்.

அதன் பின் சிறிதளவு தண்ணீர் சேர்த்து தோசை மாவு பதத்திற்கு மிக்ஸ் செய்து கொள்ளவும்.

அடுத்தது ஒரு கடாயில் எண்ணெய் ஊற்றி சூடானதும், உருளைக்கிழங்கை பஜ்ஜி மாவில் சேர்த்து மசாலாவில் தடவிக் கொள்ளவும்.

அதன் பின் உருளைக்கிழங்கை எண்ணெயில் சேர்த்து இருபுறமும் ஒரு ஒரு நிமிடம் பொன்னிறமாக பொரித்து எடுத்தால் சுவையான உருளைக்கிழங்கு பஜ்ஜி தயார்.