Summer Tips : தயிரா? மோரா? கோடை வெயிலுக்கு எது சிறந்தது?

Summer Tips : தயிரில் இருந்து செய்யப்படும் மோரில், ஆரோக்கிய நன்மைகள் அதிகமாக உள்ளது.

தயிர் - மோர்

கோடைகாலத்தில் வயிற்றை ஆரோக்கியமாகவும் குளிர்ச்சியாகவும் வைக்க தயிரை உணவாக எடுத்து கொள்கின்றனர். இதில், ப்ரோபையாடிக்ஸ் மற்றும் புரதம், கால்சியம், வைட்டமின் B போன்ற உடலுக்கு தேவையான பல ஊட்டச்சத்துகள் தயிரில் உள்ளன.

தயிர் சாப்பிட்டால் உடல் குளிர்ச்சியாக இருக்கும் என பலரும் நம்புகின்றனர். உண்மையில் புளிப்பு சுவையும் உடல் சூட்டை அதிகரிக்கும் என ஆயுர்வேதம் கூறுகின்றது. அத்துடன் தயிர் செரிமானம் ஆக நீண்ட நேரம் எடுத்துக்கொள்ளும்.

கோடைகாலத்தில் தயிர் சாப்பிடும் போது சில விஷயங்களை கவனத்தில் கொள்ள வேண்டும். அதிகமாக தயிர் சாப்பிடுவது உடல் சூட்டை அதிகரிக்கும், சருமத்தில் பருக்களும் வர வாய்ப்புள்ளது

தயிரை தினமும் சாப்பிடுவதற்கு பதிலாக மோராக குடிக்கலாம். மோரில் உப்பு, சீரகம், புதினா போன்றவற்றை சேர்த்து பருகுவது உடலுக்கு மிகவும் நல்லது.

கோடையில் தயிர் சாப்பிட நினைப்பவர்கள் , மோராக கலக்கி குடிக்கலாம். இவ்வாறு செய்தால், உடலுக்கு தேவையான குளிர்ச்சியையும், ஆரோக்கியத்தையும் அது தரும்.

முக்கியமான விஷயம், தயிரை சூடு செய்ய கூடாது. தயிரில், கப தோஷம் அதிகமாக இருப்பதால், உடல் பருமனாக இருப்பவர்கள் தயிர் சாப்பிடுவதை தவிர்க்கலாம். அதேபோல், தயிரோடு பழங்களை சேர்த்து சாப்பிட கூடாது என ஆயுர்வேதம் கூறுகிறது