Paridhabangal Gopi : 'அழகிய மகள் பிறந்துள்ளாள்..' தகப்பனான பரிதாபங்கள் கோபி!

பெண் குழந்தைக்கு அப்பாவான கோபி தனது இன்ஸ்டா பக்கத்தில் ‘தகப்பனானேன்’ என நெசிழ்ச்சியாக பதிவிட்டுள்ளார்.

தன் மனைவியுடன் கோபி

திருச்சியை சேர்ந்தவர்கள் கோபி மற்றும் சுதாகர். நெருங்கிய நண்பர்களான இவர்கள் கல்லூரியில் ஒன்றாக படித்து பின்னர் சினிமாவில் சாதிக்க வேண்டும் என்கிற கனவோடு சென்னைக்கு வந்து பல்வேறு சேனல்களில் வாய்ப்பு தேடினர்.

கலக்கப்போவது யாரு நிகழ்ச்சியில் பங்குபெற ஆடிஷன் சென்ற இவர்கள் தேர்வாகவில்லை.

இவர்களின் எல்லா முயற்சிகளும் தோல்வியில் முடிந்ததால் கோபி- சுதாகர் சேர்ந்து ஒரு யூடியுப் சேனல் தொடங்கினர்.

இவர்கள் பல்வேறு நகைச்சுவை வீடியோக்களை வெளியிட்டு அதன் மூலம் பிரபலமடைந்தவர்கள். இவர்களின் கண்டெண்டுகளுக்கு தனி ரசிகர் பட்டாளமே உண்டு.

இந்நிலையில் கோபிக்கு கடந்த ஆண்டு யமுனா என்பவருடன் திருமணம் நடைபெற்றது. இன்று கோபியின் மனைவிக்கு குழந்தை பிறந்துள்ளது.

யூடியூபர் கோபி தனது இன்ஸ்டா ஸ்டோரியில் ”தகப்பனானேன் அழகிய பெண் குழந்தை பிறந்துள்ளாள்” என பதிவிட்டுள்ளார்.