Mamannan lyrical video : 'கொடி பறக்குற காலம் வந்தாச்சு...' வெளியானது மாமன்னன் படத்தின் மற்றொரு வீடியோ !

நடிகர் உதயநிதி ஸ்டாலின் நடித்துள்ள மாமன்னன் படத்தின் கொடி பறக்குற காலம் வந்தாச்சு பாடலின் லிரிக் வீடியோவை படக்குழு வெளியிட்டுள்ளது.

கொடி பறக்குற காலம் பாடலின் லிரிக் வீடியோ

ஒரு கல் ஒரு கண்ணாடி படத்தின் மூலம் தமிழ் சினிமாவில் ஹீரோவாக அறிமுகமானவர் உதயநிதி ஸ்டாலின்.

இவர் கடைசியாக நடித்த கண்ணை நம்பாதே படம் மக்கள் மத்தியில் நல்ல வரவேற்பை பெற்றது.

பரியேறும் பெருமாள், கர்ணன் படங்களை தொடர்ந்து மாரி செல்வராஜ் இயக்கத்தில் உருவாகியுள்ள படம் ‘மாமன்னன்’.

இந்த படத்தில் உதயநிதி ஸ்டாலின், வடிவேலு, கீர்த்தி சுரேஷ், ஃபஹத் ஃபாசில், லால், சுனில் உள்ளிட்ட பலரும் நடித்துள்ளனர்.

இப்படத்தின் இசை வெளியீட்டு விழா கடந்த ஜூன் 1 ஆம் தேதி சென்னை நேரு உள்விளையாட்டரங்கில் பிரம்மாண்டமாக நடைபெற்றது.

தற்போது இப்படத்தின் ‘கொடி பறக்குற காலம்’ என்ற பாடலின் லிரிக்கல் வீடியோ வெளியாகியுள்ளது.