Udhayanidhi Stalin : சொத்து மதிப்பில் அப்பாவையே மிஞ்சிய உதயநிதி...ஸ்டாலினைவிட மூன்று மடங்கு..முழு விவரம் இதோ

Udhayanidhi Stalin Net Worth: தமிழ்நாடு துணை முதலமைச்சர் உதயநிதியின் ஸ்டாலினின் மொத்த சொத்து மதிப்பு குறித்தான தகவல்களை விவரமாக பார்க்கலாம்

உதயநிதி ஸ்டாலின்

ஆளும் கட்சியான திராவிட முன்னேற்ற கழகத்தின் தலைவர் மு.க.ஸ்டாலின் துர்கா தம்பதிக்கு மகனாக பிறந்தவர் உதயநிதி ஸ்டாலின். 1977 ஆம் ஆண்டு சென்னையில் பிறந்த இவர் தொடக்கத்தில் அரசியலில் இருந்து விலகியே இருந்தார். 2008 ஆம் ஆண்டு விஜய் நடித்து வெளிவந்த குருவி திரைப்படத்தை தனது ரெட் ஜெயன்ட் மூவீஸ் தயாரித்தது. தயாரித்த முதல் படமே உதயநிதிக்கு தோல்விப்படமாகவே அமைந்தது

அடுத்தபடியாக ரெட் ஜெயன்ட் தயாரிப்பில் வெளியான சூர்யாவின் ஆதவன் திரைப்படம் வசூல் ரீதியாக மிகப்பெரிய வெற்றியைக் கொடுத்தது. இதுவரை ரெட் ஜெயன்ட் சார்பாக 8 படங்களை தயாரித்துள்ளார் உதயநிதி ஸ்டாலின். மேலும் விண்ணைத்தாண்டி வருவாயா, மதராஸபட்டினம் , அரண்மனை 3 , பாஸ் எ பாஸ்கரன் , மைனா , பொன்னியின் செல்வன் இரு பாகங்கள் என பல வெற்றிப்படங்களை விநியோகித்துள்ளது ரெட் ஜெயன்ட் மூவிஸ்.

தயாரிப்பாளர் , விநியோகஸ்தர் என சினிமாவை நிர்வகித்து வந்த உதயநதி எம் ராஜேஷ் இயக்கிய ஒரு கல் ஒரு கண்ணாடி படத்தின் மூலம் நடிகராக அறிமுகமானார். முதல் படத்திலேயே செமையான வரவேற்பு கிடக்கவே அடுத்தடுத்து பல படங்களில் நடித்தார். இது கதிர்வேலன் காதல் , கெத்து , மனிதன் , சரவணன் இருக்க பயமேன் , நெஞ்சுக்கு நீதி , என அடுத்தடுத்து இவர் நடித்த படங்கள் தொடர் தோல்வியை தழுவின. இறுதியாக அரசியலுக்கு வருகை தரும் முன் மாரி செல்வராஜ் இயக்கத்தில் வடிவேலு உடன் இணைந்து மாமன்னன் படத்தில் நடித்தார் உதயநிதி. இப்படம் வசூல் ரீதியாகவும் விமர்சன ரீதியாகவும் சிறப்பான வரவேற்பைப் பெற்றது.

2021 ஆம் சட்டமன்றத் தேர்தலில் சேப்பாக்கம் திருவல்லிக்கேணி தொகுதியில் போட்டியிட்டு சட்டமன்ற உறுப்பினரானார் . கடந்த செப்டம்பர் மாதம் தமிழக துணை முதலமைச்சராக பதவியேற்றார்

உதயநிதி ஸ்டாலினின் மொத்த சொத்து மதிப்பு 26.67 கோடி என அவரது தேர்தல் வேட்பு மனுவில் குறிப்பிடப் பட்டுள்ளது. இதில் 21 கோடி 13 லட்சத்து 9 ஆயிரத்து 650 ரூபாய் அசையும் அசையும் சொத்துக்களும் 6 கோடியே 5 லட்சத்து 43 ஆயிரத்து 952 ரூபாய் அசையாத சொத்துக்கள் உள்ளடக்கமாக கூறப்பட்டுள்ளன

அதேபோல் முதலமைச்சர் முக ஸ்டாலினின் சொத்து மதிப்பு 7.19 கோடி என தேர்தல் வேட்பு மனுவில் குறிப்பிடப்பட்டுள்ளது. ஸ்டாலினின் சொத்து மதிப்பை காட்டிலும் அவரது மனக் உதயநிதியின் சொத்து மதிப்பு 3 மடங்கு அதிகம் என்பது குறிப்பிடத் தக்கது.