Today Movie Update : தனுஷ் அடுத்த படத்திற்கு 45 கோடி ரூபாய் சம்பளம் வாங்குகிறாரா?

Today Movie Update : நடிகர் தனுஷ் நடிக்கவிருக்கும் புதிய படத்திற்கு 45 கோடி ரூபாய் சம்பளம் பேசியுள்ளதாக தகவல் பரவி வருகிறது

சினிமா அப்டேட்

நெல்சன் தயாரிப்பில் கவின் ஹீரோவாக நடித்து வரும் படம் ப்ளடி பெக்கர். இந்த படத்தை சிவபாலன் முத்துக்குமரன் இயக்கி வருகிறார். இப்படம் ஆகஸ்ட் 2 ஆம் தேதி வெளியாகலாம் என நெருங்கிய சினிமா வட்டாரங்கள் தெரிவிக்கின்றன.

மனு ஆனந்த் இயக்கத்தில் ஆர்யா நடித்துள்ள படம் மிஸ்டர் எக்ஸ் ( MR.X ) இந்த படத்தின் படப்பிடிப்பு இன்று நிறைவடைந்துள்ள தகவலை படக்குழு எக்ஸ் பக்கத்தில் பதிவிட்டுள்ளது.

தனுஷ் தற்போது குபேரா படத்தில் பிஸியாக நடித்து வருகிறார். இந்த படத்தை நடித்து முடித்துவிட்டு தான், அருண் மாதேஸ்வரன் இயக்கும் இளையராஜா படத்தில் நடிக்க உள்ளதாக தகவல் பரவி வருகிறது.

போர் தொழில் படத்தை இயக்கிய விக்னேஷ் ராஜாவுடன் தனுஷ் கைகோர்க்க உள்ளார்.இந்த படத்தை வேல்ஸ் இன்டர்நஷனல் தயாரிக்கவுள்ளதாகவும். இதற்காக தனுஷுக்கு 45 கோடி ரூபாய் சம்பளம் பேசியுள்ளதாகவும் தகவல் பரவி வருகிறது.

பா ரஞ்சித் இயக்கத்தில் விக்ரம் நடித்துள்ள தங்கலான் படம் வருகின்ற ஆகஸ்ட் மாதம் 15 ஆம் தேதி வெளியாகலாம் என நெருங்கிய சினிமா வட்டாரங்கள் தெரிவிக்கின்றன.

மகிழ் திருமேனி இயக்கத்தில் அஜித் குமார் நடித்து வரும் விடாமுயற்சி படத்தின் அப்டேட் இன்று மாலை 7.03 மணிக்கு வெளியாகும் என படக்குழு அறிவித்துள்ளது