Kanguva New Poster : சூர்யா டபுள் ஆக்‌ஷனில் நடிக்கிறாரா? ரசிகர்களை குழப்பும் செகண்ட் லுக் போஸ்டர்!

Kanguva New Poster : தற்போது வெளியான கங்குவா போஸ்டரில், இரண்டு கெட்-அப்பில் இருக்கும் சூர்யாவை பார்த்து மக்கள் குழம்பிவிட்டனர்.

கங்குவா படத்தின் புது போஸ்டர்

2023 ஆம் ஆண்டில் சூர்யா - சிறுத்தை சிவா கூட்டணியில் கங்குவா எனும் படம் உருவாகிறது என்ற தகவல் வந்தவுடன் எதிர்பார்ப்பு எகிறியது.

சூர்யாவுடன் பாலிவுட் நடிகர்கள் திஷா பதானி, பாபி தியோல் உள்ளிட்டோர் நடிக்க, தேவி ஸ்ரீபிரசாத் இசையமைக்க உள்ளார் என்ற அறிவிப்பும் கடந்தாண்டு வந்தது.

கங்குவா படக்குழு ஷூட்டிங்கில் பிசியாக இருந்தாலும், க்ளிம்ப்ஸ் வீடியோ, ஃபர்ஸ்ட் லுக் வெளியிட்டு ரசிகர்களுக்கு அவ்வப்போது அப்டேட் கொடுத்து வந்தது.

சில நாட்களுக்கு முன்னர், நடிகர் சூர்யா கங்குவா படப்பிடிப்பு நிறைவு பெற்றதாக அறிவித்து இருந்தார்.

நேற்று (15/1/24) கங்குவா படத்தின் அப்டேட் இன்று காலை 11 மணிக்கு வெளியாகும் என அறிவிக்கப்பட்டு இருந்தது.

இந்நிலையில், 11 மணியளவில் செகண்ட் லுக் போஸ்டரை தயாரிப்பு நிறுவனம் வெளியிட்டுள்ளது. பழங்கால கெட்-அப்பிலும், இந்த காலத்து ஸ்டைலிஷ் கெட்-அப்பிலும் இருக்கும் சூர்யாவின் இரு புகைப்படங்களை வைத்து போஸ்டர் உருவாக்கப்பட்டுள்ளது. வழக்கம் போல, நெட்டிசன்கள் இந்த போஸ்டரை டி-கோட் செய்ய தொடங்கிவிட்டனர். சிலர், “24 படத்தில் வரும் சூர்யா போல் இருக்கிறது”என்றும் கமெண்ட் செய்து வருகின்றனர்.