Jawan Trailer : ரசிகர்கள் ஹேப்பி அண்ணாச்சி...விரைவில் வெளியாகும் ஜவான் படத்தின் ட்ரெய்லர்!

இந்தியா சினிமாவில் பெரிதும் எதிர்பார்க்கப்பட்ட ஜவான் படத்தின் டிரெய்லர் சில நாட்களில் வெளியாகும் என அதிகாரப்பூர்வ அறிவிப்பு வந்துள்ளது.

ஜவான் டிரெய்லர்

தமிழ் சினிமாவில் முன்னணி இயக்குநராக இருப்பவர் அட்லீ. இவர் தற்போது இந்தியில் ஷாருக்கானை வைத்து ஜவான் படத்தை இயக்கி வருகிறார்.

இந்த படத்தில் ஷாருக்கான், விஜய் சேதுபதி, நயன்தாரா, தீபிகா படுகோன், சஞ்சய் தத், பிரியா மணி, யோகி பாபு, சுனில் குரோவர் உள்ளிட்ட பலரும் நடிக்கின்றனர்.

அனிருத் இசையமைக்கும் இப்படம் இந்தி, தமிழ், தெலுங்கு, ஆகிய 3 மொழிகளில் வெளியாகவுள்ளது.

ஏற்கனவே இப்படத்தின் ஆடியோ உரிமத்தை டி சீரிஸ் நிறுவனம் சுமார் 36 கோடி ரூபாய் கொடுத்து பெற்றுள்ளதாக தகவல் வெளியானது.

தற்போது இப்படத்தின் டிரெய்லர் விரைவில் வெளியாகும் என படக்குழு அறிவித்துள்ளது.

ஜவான் படத்தின் டிரெய்லர் ஜூலை 12 அன்று வெளியிட படக்குழு திட்டமிட்டுள்ளதாக நெருங்கிய திரை வட்டாரங்கள் தெரிவிக்கின்றனர்.