KH 233 : அப்போ அஜித் ..இப்போ கமல்.. ஹெச்.வினோத் செய்யப்போகும் சம்பவம் என்ன?

KH 233 : ‘ரைஸ் டூ ரூல்’ எனும் வாசகத்துடன் அதகளமாக வெளியாகியுள்ள இந்த அறிவிப்பு கமல்ஹாசன் - ஹெச்.வினோத் இருவரது ரசிகர்களையும் உற்சாகத்தில் ஆழ்த்தியுள்ளது.

கமல் ஹாசன் - ஹெச்.வினோத் கூட்டணி

இந்தியன் 2 படத்தை அடுத்து நடிகர் கமல்ஹாசன் ஹெச்.வினோத் இயக்கத்தில் நடிப்பதாக கடந்த சில வாரங்களாக தகவல்கள் வெளியாகி வந்தன. இந்நிலையில், இதுகுறித்த அதிகாரப்பூர்வ அறிவிப்பு வெளியாகியுள்ளது.

அதன்படி, KH233 படத்துக்காக கமல் - ஹெச்.வினோத் இணைவதாக வீடியோ பகிரப்பட்டு அதிகாரப்பூர்வ அறிவிப்பு வெளியாகியுள்ளது.

இந்த வீடியோவில் கமல் தீப்பந்தம் ஏந்தியபடி இருக்கும் புகைப்படம் ஒன்றும் இடம்பெற்றுள்ளது.

இந்தப் படத்தை நடிகர் கமல்ஹாசனின் ராஜ்கமல் நிறுவனம் மகேந்திரன் உடன் இணைந்து தயாரிக்க உள்ளது. ராஜ்கமல் நிறுவனத்தின் 52ஆவது படமாக இப்படம் உருவாகிறது.

தன் முதல் படமான சதுரங்க வேட்டை தொடங்கி ஹெச்.வினோத் தொடர்ந்து சமூக பொறுப்புணர்வு கொண்ட கதைகளை இயக்கி வரும் நிலையில், இந்தப் படமும் அவ்வாறே இருக்கும் என்றும் தகவல்கள் வெளியாகின.

இந்நிலையில் ‘ரைஸ் டூ ரூல்’ எனும் வாசகத்துடன் அதகளமாக வெளியாகியுள்ள இந்த அறிவிப்பு கமல்ஹாசன் - ஹெச்.வினோத் இருவரது ரசிகர்களையும் உற்சாகத்தில் ஆழ்த்தியுள்ளது.