Director Shankar Birthday : பிரம்மாண்ட இயக்குநர் ஷங்கரின் பிறந்தநாளை கேக் வெட்டி சிம்பிளாக கொண்டாடிய கேம் சேஞ்சர் படக்குழு !

இயக்குநர் ஷங்கர் கேக் வெட்டி, பிறந்தநாள் கொண்டாடிய புகைப்படங்கள் தற்போது இணையத்தில் உலா வருகிறது.

இயக்குநர் ஷங்கர் பிறந்தநாள் கொண்டாட்டம்

உதவி இயக்குநராக சினிமா வாழ்க்கையை தொடங்கி, தற்போது பிரமாண்டமான இயக்குநர் என்று அழைக்கப்படுபவர்தான் இயக்குநர் ஷங்கர்.

1993ஆம் ஆண்டு வெளியான ஜென்டில்மேன் என்ற படத்தின் மூலம் இயக்குநராக அறிமுகாமானர். இவரின் முதல் படமே வெற்றி படமாக அமைந்தது.

அதனை தொடர்ந்து அவர் இயக்கிய அனைத்து படங்களும் பிரமாண்டமான தயாரிப்பில் மிக பெரிய பொருட்செலவில் எடுக்கப்பட்ட படமாகவே அமைந்தன.

தற்போது தில் ராஜூ தயாரிப்பில் ராம் சரணை வைத்து கேம் சேஞ்சர் என்ற படத்தை இயக்கி வருகிறார்.

தற்போது இயக்குநர் ஷங்கரின் பிறந்தநாளை கேக் வெட்டி, படக்குழு கொண்டாடிய புகைப்படத்தை தயரிப்பு நிறுவனமான ஸ்ரீ வெங்கடேஸ்வரா கிரியேஷன்ஸ் வெளியிட்டுள்ளது.

இதில் நடிகர் ராம் சரண் தயாரிப்பாளர் தில் ராஜூ உள்ளிட்டோர் கலந்து கொண்டனர்.