Festival Releases 2023 : பண்டிகைய கொண்டாடுங்கலே.. இந்தாண்டில் பெரும் எதிர்பார்ப்புடன் வெளியாகும் திரைப்படங்கள்!

Festival Releases 2023 : இந்தாண்டில் வரும் பண்டிகையையொட்டி ரிலீஸாக காத்திருக்கும் படங்களை பற்றி காண்போம்.

வெளியாகவிருக்கும் தமிழ் படங்கள்

இந்தாண்டின் தொடக்கத்திலிருந்து பல படங்கள் வெளியாகி கொண்டிருக்கும் நிலையில் அடுத்தடுத்த படத்திற்கான அப்டேட்களும் சினிமா ரசிகர்களை சூழ்ந்துள்ளது. இந்தாண்டில் வரும் பண்டிகையையொட்டி ரிலீஸாக காத்திருக்கும் படங்களை பற்றி காண்போம்.

சந்திரமுகி 2 - மாபெரும் ஹிட்டான சந்திரமுகி முதல் பாகத்தை தொடர்ந்து 17 ஆண்டுகளுக்கு பிறகு இயக்குநர் வாசுவே, நடன இயக்குநரும் மற்றும் நடிகருமான ராகவா லாரன்ஸை வைத்து சந்திரமுகி 2 எடுத்துள்ளார். இதில் கங்கனா ரனாவத், வடிவேலு, ராதிகா உள்ளிட்ட பலரும் நடித்துள்ளனர். இப்படம் வருகின்ற விநாயகர் சதுர்த்தி அன்று வெளியாகும் என்று படக்குழு அதிகாரப்பூர்வமாக அறிவித்துள்ளது.

மார்க் ஆண்டனி - விஷால். எஸ்.ஜே.சூர்யா, செல்வராகவன் ஆகியோர் நடித்துள்ள மார்க் ஆண்டனி படமும் இந்தாண்டின் விநாயகர் சதுர்த்திக்கு ரிலீஸ் ஆகிறது. இப்படத்தின் டைட்டிலும், கதாபாத்திரங்களின் லுக்கும் அனைவரின் கவனத்தை ஈர்த்துள்ளது.

ஜிகர்தண்டா டபுள் எக்ஸ் - கார்த்திக் சுப்பராஜ் இயக்கத்தில் ஸ்டோன்பெஞ்ச் பிலிம்ஸ் தயாரிப்பில் உருவாகும் 'ஜிகர்தண்டா டபுள் எக்ஸ்' திரைப்படத்தின் படப்பிடிப்பு நிறைவடைந்த நிலையில் தீபாவளிக்கு படம் ரிலீசாகிறது.

ஜப்பான் - ராஜூ முருகன் இயக்கத்தில் உருவாகும் ஜப்பான் படத்தில் கார்த்தி, அனு இம்மானுவேல், தெலுங்கு நடிகர் சுனில், இயக்குநர் விஜய் மில்டன் உள்ளிட்ட பலரும் நடித்துள்ளனர். இப்படம் வருகின்ற தீபாவளிக்கு வெளியாகிறது.

அயலான் - சிவாவின் நடிப்பில் சில வருடங்களுக்கு முன்னரே தொடங்கப்பட்ட இப்படத்தின் வி.எஃப்.எக்ஸ் பணிகள் நீண்ட நாட்களாக முடிக்கப்படாமல் இருந்தன. பின், குழந்தைகளுக்கு பிடித்தார் போல உருவாக்கப்பட்டுள்ள இப்படம், தீபாவளிக்கு வெளியாகும் என தெரிவிக்கப்பட்டது. சிவாவின் நடிப்பில் உருவாகிய மாவீரன் படம் வருகிற ஜூலை 14 ஆம் தேதி வெளியாகிறது.

லியோ - எக்கசக்கமான நட்சத்திர பட்டாளமே நடித்து வரும் இப்படத்தின் இறுதிகட்ட படப்பிடிப்பு நடந்து வருகிறது. பெரும் எதிர்பார்ப்பை கொண்ட இப்படம் வரும் ஆயுத பூஜை விடுமுறைக்கு வெளியாகும் என சொல்லப்படுகிறது. இது வெளியாகும் போது போட்டிக்காக எந்த படமும் வெளியாகாது என்பது குறிப்பிடதக்கது.