Varun Dhawan: ‘இவருக்கு தமிழ் படங்களில் நடிக்க ஆசையா?’ பாலிவுட் நடிகர் வருண் தவான் குறித்த சுவாரஸ்ய தகவலகள்!

Varun Dhawan Birthday: பிரபல பாலிவுட் நடிகர் வருண் தவானின் பிறந்தநாளையொட்டி அவர் குறித்த சில சுவாரஸ்ய தகவல்களை தெரிந்து கொள்ளுங்கள்.

வருண் தவான் குறித்த சுவாரஸ்ய தகவல்கள்

பாலிவுட்டில் பிரபல நடிகர்களுல் ஒருவர் வருண் தவான். இவர் இன்று தனது பிறந்தநாளைக் கொண்டாடுகிறார். வருண் குறித்த சில சுவாரஸ்யமான தகவல்களை தெரிந்து கொள்வேமா?

வருண் தவான், சிறு வயதிலிருந்தே மிகவும் துருதுருவென இருப்பாராம். அது மட்டுமன்றி, மிகவும் குறும்புகார பிள்ளையாகவும் வளர்ந்தவர் இவர். வருணின் பெற்றோருக்கு அவரை அடக்குவதே பெரும் வேலையாக இருக்குமாம். இது, ஒரு பிரச்சனையாக பார்க்கப்பட்டதாம்.

இங்கிலாந்தில் உள்ள நாட்டிங்ஹாம் ட்ரெண்ட் பல்கலைக்கழகத்தில் வணிக மேலாண்மை படிப்பில் பட்டம் பெற்ற இவர், சினிமாவின் மீதிருந்த ஆர்வம் காரணமாக 2010ஆம் ஆண்டு உதவி இயக்குநராக தனது திரை பயணத்தை தொடங்கினார்.

வருணின் குடும்பத்தினர், இவரை ‘பப்பு’ என செல்லமாக அழைப்பார்களாம்.

வருண் தவான் சச்சின் டெண்டுல்கரின் மிகப்பெரிய ரசிகராம். அதிசயம் என்னவென்றால், இன்றுதான் அவருக்கும் பிறந்தநாள்.

சிறுவயதில் இருந்த போது, வருண் தவான் மல்யுத்த வீரராக வேண்டும் என ஆசைப்பட்டாராம். ஆனால், விதி அவரை மிகப்பெரிய ஹீரோவாக மாற்றிவிட்டது.

விக்ரம், கே.ஜி.எஃப் மற்றும் காந்தாரா ஆகிய படங்கள் தன்னை மிகவும் ஈர்த்ததாகவும், திரைக்கு வந்த புதிதில் இருந்தே தமிழ் மற்றும் தெலுங்கு படங்களில் நடிக்க வேண்டும் என்ற ஆர்வம் இருந்ததாகவும் வருண் தவான் சமீபத்தில் ஒரு நேர்காணலில் குறிப்பிட்டிருந்தார்.

வருண் தவானிற்கு ஐஸ்-க்ரீம் என்றாம் மிகவும் பிடிக்குமாம். வருண் தவானிற்கு பிறந்தநாள் வாழ்த்து தெரிவித்துள்ள ஜான்வி கபூர், “இன்று உனக்கு நிறைய ஐஸ்-க்ரீம் கிடைக்க வாழ்த்துகிறேன்” என தனது இன்ஸ்டா பக்கத்தில் குறிப்பிட்டுள்ளார்.

வருண் தவான், அவரை சுற்றியுள்ள பெண்களை பாதுகாப்பதிலும் கண்ணாக இருப்பார். ஒரு நடிகையின் கோட்டை வருண் தவான் சரி செய்யும் வீடியோ ஒன்று சமீபத்தில் வைரலானது.

வருண் தவானின் சிட்டடெல் என்ற தொடர் விரைவில் வெளியாகவுள்ளது. இதில், பிரியங்கா சோப்ரா, சமந்தா உள்பட பல நடிகர்-நடிகைகளுடன் நடித்துள்ளார். இன்று, வருணின் பிறந்தநாளையொட்டி பலரும் அவருக்கு வாழ்த்து மழை பொழிந்து வருகின்றனர்.