Vikram prabhu : சைக்கோ திரில்லர் படத்தில் நடிக்கும் விக்ரம் பிரபு..பூஜையுடன் தொடங்கிய படப்பிடிப்பு!

நடிகர் விக்ரம் பிரபுவின் புதிய படத்தின் படப்பிடிப்பு இன்று சென்னையில் உள்ள காளிகாம்பாள் திருக்கோவிலில் பூஜையுடன் தொடங்கியது.

புது பட பூஜையில் விக்ரம் பிரபு

இயக்குநர் சுசிந்திரன் இடம் உதவி இயக்குநராக பணிப்புரிந்த ரமேஷ் ரவிசந்திரன் இயக்கும் புதிய படத்தில் நடிக்கவிருக்கிறார் விக்ரம் பிரபு.

இந்த படத்தை தயாரிப்பாளர்கள் ஆர். கணேஷ் மூர்த்தி மற்றும் ஜி சௌந்தர்யா தங்களது நிறுவனமான லெமன் லீஃப் கிரியேஷன் பிரைவேட் லிமிடெட் மூலம் தயாரிக்கின்றனர்.

இந்த படத்தில் ஈஷா ரெபா கதாநாயகியாக நடிக்கவிருக்கிறார்.

ஜிப்ரான் இசையமைக்கும் இப்படத்திற்கு ’கபடதாரி’ படத்தின் ஒளிப்பதிவாளர் ராசாமதி ஒளிப்பதிவு செய்கிறார்.

இந்நிலையில் இப்படத்தின் படப்பிடிப்பு இன்று சென்னையில் உள்ள காளிகாம்பாள் திருக்கோவிலில் பூஜையுடன் தொடங்கியது.

மேலும், சைக்கோ திரில்லராக உருவாகவுள்ள இப்படம் குறித்த அப்டேட்கள் விரைவில் வெளியாகும் என்று எதிர்ப்பார்க்கப்படுக்கிறது.