Vikram New Look : ‘நான் மெர்சல் ஆயிட்டேன்..’ புது கெட்டப்பில் ஸ்டைல் காட்டும் நடிகர் விக்ரம்!

தமிழ் சினிமாவின் பிரபல நடிகர் விக்ரமின் புதிய லுக் இணையத்தில் வெளியாகி வைரல் ஆகிவருகிறது.

விக்ரம் நியூ லுக்

தமிழ் சினிமாவின் முக்கிய இயக்குநர்களில் ஒருவராக உருவெடுத்துள்ள இயக்குநர் பா.ரஞ்சித் உடன் நடிகர் விக்ரம் முதன்முறையாக இணைந்துள்ள திரைப்படம் தங்கலான்.

இப்படத்தில் பசுபதி, பார்வதி, மாளவிகா மோகனன், பிரிட்டிஷ் நடிகர் டேனியல் கால்டகிரோன் உள்ளிட்டோர் நடித்துள்ளனர்.

கோலார் தங்க வயலில் பணியாற்றிய தமிழ்நாட்டைச் சேர்ந்த தொழிலாளர்களின் வாழ்க்கை, அதிகார வர்க்கத்துக்கு எதிரான அவர்களின் எழுச்சி ஆகியவற்றை மையமாக வைத்து இந்தப் படம் உருவாகியுள்ளதாகக் கூறப்படுகிறது.

தங்கலான் படத்தை தொடர்ந்து தனது அடுத்த படத்திற்காக விக்ரம் தனது கெட்டப்பை மாற்றியுள்ளார்.

இவரின் புதிய லுக்யின் புகைப்படம் தற்போது இனையத்தில் வெளியாகி வைரல் ஆகி வருகிறது.

தங்கலான் படத்திற்காக விக்ரம் தனது உடல் எடையை குறைத்துள்ளது குறிப்பிடத்தக்கது.