8 வருடமாக செக்ஸ் டார்ச்சர்... மனம் திறந்த இன்ஸ்டாகிராம் பிரபலம் சுபா வரதராஜன்
இன்ஸ்டாகிராம் பிரபல தம்பதியான மிஸ்டர் வேதமூர்த்தி மற்றும் சுபா வரதராஜனின் குடும்ப சர்ச்சை இணையத்தில் பேசுபொருளாகியுள்ளது

சினிமா வாய்ப்பிற்காக தனது மனைவி ஆபாசமாக வீடியோ வெளியிடுவதாக இன்ஸ்டாகிராம் பிரபலம் வேதமூர்த்தி வீடியோ வெளியிட்டுள்ளது பரபரப்பான பேசுபொருளாகியுள்ளது. இந்த நிலையில் அவரது மனைவி சுபா வரதராஜன் வேதமூர்த்தியிடம் தான் அனுபவித்த கொடுமைகளை கூறி வீடியோ வெளியிட்டுள்ளார்.
சுபா வரதராஜன் விளக்கம்
சுபா வரதராஜன் வெளியிட்டுள்ள வீடியோவில் "எல்லாருக்கும் வணக்கம். காலையில் இருந்து சோசியல் மீடியாவில் என்னுடைய முகம் தான் வந்துகொண்டிருக்கிறது. எல்லா விஷயத்திற்கும் ரெண்டு பக்கம் இருக்கும் என்பதை மறந்து எல்லாரும் பேசிக்கொண்டிருக்கிறார்கள். 'நீயெல்லாம் ஒரு அம்மாவா..உடம்ப காட்டி வாழ்க்கை நடத்துறியே என்று' பலரும் என்னை திட்டி மெசேஜ் செய்துகொண்டிருக்கிறார்கள். என்ன நடந்தது என்று தெரியாமல் ஒரு தரப்பிற்கு மட்டும் ஆதரவு கொடுத்து வாய்க்கு வந்தபடி நீங்கள் எல்லாரும் பேசுகிறீர்கள். என் கணவரை நான் கிட்டதட்ட ஒரு வருடமாக பிரிந்திருக்கிறேன். இதுவரை என் வாயைத் திறந்து என்ன நடந்தது என்று நான் சொன்னதேயில்லை. என்னை திட்டி என் கணவர் நிறைய வீடியோ வெளியிடுவார். ஆனால் இன்று நான் பேச முடிவெடுத்திருக்கிறேன். என் குழந்தை என்னிடம் இல்லை என்றால் நான் நிச்சயமாக ஏதாவது தப்பான முடிவு எடுத்திருப்பேன். என்ன நடந்தது என்று சொல்கிறேன்
8 வருடம் செக்ஸ் டார்ச்சர்
வேதமூர்த்திக்கு முதல் திருமணம் நடந்ததை மறைத்து தான் என்னை திருமணம் செய்துகொண்டார். எங்களுக்கு திருமணமாகி முதல் நாள் இரவே இதைப் பற்றி கேட்டதற்கு என்னை அடித்தார். எதற்கு எடுத்தாலும் செக்ஸ் டார்ச்சர். என்கூட படுத்துதான் ஆகனும். படுக்கலனா வீட்டை விட்டு வெளிய போடி என்று நடுராத்திரி என்னை வீட்டை விட்டு வெளியே அனுப்பியிருக்கார். ரெண்டு வருஷத்திற்கு முன்னாள் எனக்கு சினிமா கிடையாது இன்ஸ்டாகிராம் கிடையாது. எட்டு வருஷம் இதனை நான் அனுபவித்திருக்கிறேன். விவாகரத்து வாங்கிட சொல்லி என் நண்பர்கள் என்னிடம் சொன்னார்கள். என் குழந்தைக்கு அப்பா இல்லாமல் இருந்திடக்கூடாது என்றும் எனக்கு அவர்மேல் காதல் இருந்தது அதனால் நான் அவரை விட்டு வரவில்லை. அவரை பொறுத்தவரை நான் அவருக்கு செக்ஸ் , உணவு மற்றும் காசு கொடுக்கும் மெஷின் . மற்றபடி என்னை ரொம்ப கேவலமாக திட்டுவார். 7 வருடமாக நான் ஐடி வேலையில் சம்பாதித்த 70 ஆயிரம் பணத்தை கொடுத்திருக்கிறேன். ஆனால் பணத்தை வைத்து என்னை ரொம்ப அசிங்கபடுத்தியபோது தான் நான் என்னுடைய செலவை நானே பார்த்துக்கொண்டேன்" என்று சுபா தெரிவித்துள்ளார் .
யார் இந்த வேதமூர்த்தி சுபா வரதராஜன்?
வேதமூர்த்தி, Mr VedaMoorthy அல்லது Mr. Moorthy என்ற பெயரில் சமூக வலைதளங்களில் அறியப்படுகிறார். அவரது மனைவி சுபா வரதராஜ். இருவரும் இணைந்து வெளியிட்ட ரீல்ஸ், நகைச்சுவை வீடியோக்கள் உள்ளிட்ட பதிவுகள் மூலம் இணையத்தில் பிரபலமானவர்கள். குறிப்பாக, கணவன் – மனைவி இடையிலான உரையாடல்கள் மற்றும் அன்றாட வாழ்க்கையை மையமாகக் கொண்ட வீடியோக்கள் இவர்களுக்குத் தனி ரசிகர் வட்டத்தை உருவாக்கின. சுபா தனியாகவும் ஃபேஷன், லைஃப்ஸ்டைல் மற்றும் மாடலிங் தொடர்பான பதிவுகளை வெளியிட்டு வருகிறார்.
தலைப்பு செய்திகள்
ட்ரெண்டிங் செய்திகள்























