Gold and silver rate today : ஒரே நாளில் தங்கம் விலை 2,160 ரூபாய் குறைந்தது. ! வெள்ளி விலை 10,000 சரிந்தது- நகைப்பிரியர்களுக்கு ஜாக்பாட்

Gold and silver rate today : தங்கத்தின் விலையானது தொடர்ந்து குறைந்து வருவது நகைப்பிரியர்களை மகிழ்ச்சியில் ஆழ்த்தியுள்ளது. அந்த வகையில் இன்றும் தங்கம், வெள்ளியின் விலையானது அதிரடியாக சரிந்துள்ளது.

Gold and silver rate today

தங்கத்தின் விலையானது எதிர்பாராத வகையில் தொடர்ந்து குறைந்து வருகிறது. கடந்த ஒரு வாரத்தில் மட்டும் சுமார் 4,000 ரூபாய் அளவிற்கு தங்கம் விலை குறைந்துள்ளது. கடந்த சில நாட்களுக்கு முன்பாக ஒரு சவரன் 1.34 லட்சத்திற்கு விற்பனை செய்யப்பட்ட நிலையில் தற்போது தொடர்ந்து குறைந்து வருவது நகைப்பிரியர்களை சற்று மகிழ்ச்சியில் ஆழ்த்தியுள்ளது.

தற்போது வளைகுடா நாடான ஈரான் மீது இஸ்ரேல் மற்றும் அமெரிக்க தொடர்ந்து போர் தாக்குதல் நடத்தி வருகிறது. இதன் காரணமாக உலகம் முழுவதும் பதற்றம் ஏற்பட்டுள்ளது. இதன் காரணமாக தங்கம் விலை அதிகரிக்கும் என எதிர்பார்க்கப்பட்ட நிலையில், திடீர் திருப்பதாக தங்கம் விலை தொடர்ந்து குறைந்து வருகிறது. இதற்கு முக்கிய காரணமாக கூறப்படுவது முதலீட்டாளர்கள் தற்போது தங்கத்திற்கு பதிலாக அதிகளவில் கச்சா எண்ணெயில் முதலீடு செய்து வருவது தான் காரணம் என கூறப்படுகிறது.

பிப்ரவரி 16 - சவரனுக்கு 400 ரூபாய் குறைந்து 1,17,680 ரூபாய்க்கும் விற்பனை. பிப்ரவரி 17- சவரனுக்கு 480 ரூபாய் குறைந்து 1,17,200 ரூபாய்க்கு விற்பனை. பிப்ரவரி 18ஆம் தேதி சவரனுக்கு 640 ரூபாய் குறைந்து 1,16,560 ரூபாய்க்கு விற்பனையாகிறது.

இன்று கிராம் ஒன்றுக்கு 270 ரூபாய் குறைந்து 14,300 ரூபாய்க்கும், சவரனுக்கு 2160 ரூபாய் குறைந்து 1,14,400 ரூபாய்க்கு விற்பனையாகிறது. இதே போல வெள்ளியின் விலையானது கிராமுக்கு 10 ரூபாய் குறைந்து 265 ரூபாய்க்கும், கிலோ பார் வெள்ளிக்கு 10 ஆயிரம் குறைந்து 2 லட்சத்து 75ஆயிரம் ரூபாய்க்கு விற்பனை செய்யப்படுகிறது.