Gold and silver rate today : நகைப்பிரியர்களுக்கு ஜாக்பாட். ! இன்று ஒரே நாளில் 5,360 ரூபாய் குறைந்தது- ஒரு சவரன் இவ்வளவு தானா.!!

தங்கத்தின் விலையானது குறைந்து வருவது நகைப்பிரியர்களை மகிழ்ச்சியில் ஆழ்த்தியுள்ளது. ஒரு சவரன் 1.34 லட்சத்திற்கு விற்பனையான தங்கம் விலை தற்போது 1லட்சத்து 3ஆயிரம் ரூபாய்க்கு விற்பனை செய்யப்படுகிறது.

Gold and silver rate today

தங்கத்தின் விலையானது 2025-ம் ஆண்டின் இறுதியில் ஒரு சவரன் ரூ. 1 லட்சத்தைத் தொட்டது. அடுத்த ஒரு மாதத்தில் அதாவது ஜனவரி 29ஆம் தேதி தங்கத்தின் விலையானது எதிர்பாரா திருப்பமாக ஒரு சவரன் 1.34 லட்சம் என்ற புதிய உச்சத்தை எட்டியது. இதற்கு பல்வேறு முக்கிய காரணமாக கூறப்பட்டாலும், டாலருக்கு நிகராக தங்கள் நாட்டின் பண மதிப்பை அதிகரிக்கும் வகையில் மத்திய வங்கிகள் தங்கத்தை அதிகளவு வாங்கி குவித்ததே காரணம் என சொல்லப்பட்டது.

அடுத்தடுத்த வாரங்களில் தங்கத்தின் விலையானது குறைய தொடங்கியது. பிப்ரவரி 28ஆம் தேதி ஈரான் மீது அமெரிக்க, இஸ்ரேல் போர் தொடுத்து வரும் நிலையில், தங்கம் விலை மீண்டும் உயரும் என எதிர்பார்க்கப்பட்டது. ஆனால் திடீர் திருப்பமாக தங்கம் விலை சரசரவென குறைந்தது. இந்த போரின் காரணமாக கச்சா எண்ணெய் விலையானது பல மடங்கு அதிகரித்துள்ளது. எனவே தங்கத்தில் முதலீட்டிற்கு பதிலாக கச்சா எண்ணெய் மீது முதலீடு அதிகரிக்க தொடங்கியது. இதனால் சரசரவென தங்கத்தின் விலையானது குறைந்து வருகிறது.