டாடா பஞ்ச் காருக்கு நேரடிப் போட்டி; அமோக விற்பனையில் ஹூண்டாய் எக்ஸ்டர்- விலை, மைலேஜ்!

Exter Sales Report: டாடா பஞ்ச் காருக்கு நேரடிப் போட்டியாக உள்ள ஹூண்டாய் எக்ஸ்டர் (Hyundai Exter) பெட்ரோல் மற்றும் சிஎன்ஜி ஆப்ஷன்களுடன் சிறப்பான விற்பனையைப் பதிவு செய்துள்ளது.

Written By : க.சே.ரமணி பிரபா தேவி | Updated at : 12 Aug 2026 05:27 PM (IST)

ஹூண்டாய் எக்ஸ்டர்

Source : சிறப்பு ஏற்பாடு

இந்திய சந்தையில் சிறிய எஸ்யூவி கார்களுக்கான வரவேற்பு தொடர்ந்து அதிகரித்து வருகிறது. குறைந்த விலை, எஸ்யூவி தோற்றம், அதிக மைலேஜ் மற்றும் தேவையான சிறப்பம்சங்கள் என பல காரணங்களால் வாடிக்கையாளர்கள் இவற்றை விரும்புகின்றனர். இந்தப் பிரிவில் டாடா பஞ்ச் காருக்கு நேரடிப் போட்டியாக உள்ள ஹூண்டாய் எக்ஸ்டர் (Hyundai Exter) பெட்ரோல் மற்றும் சிஎன்ஜி ஆப்ஷன்களுடன் சிறப்பான விற்பனையைப் பதிவு செய்துள்ளது.

விற்பனை விவரம்

ஜூலை 2026-ல் மொத்தம் 6,810 எக்ஸ்டர் கார்கள் விற்பனையாகியுள்ளன. கடந்த ஆண்டு (ஜூலை 2025) விற்பனையான கார்களுடன் ஒப்பிடுகையில், இது தோராயமாக 34% வருடாந்திர வளர்ச்சியாகும். இருப்பினும், ஜூன் 2026-ல் விற்பனையான 8,154 கார்களுடன் ஒப்பிடும்போது ஜூலை மாத விற்பனை குறைந்துள்ளது. டாடா பஞ்ச் மாதம் 20,000 யூனிட்கள் வரை விற்பனையாகும் நிலையில், எக்ஸ்டர் 6,000 முதல் 8,000 வரை விற்பனையாகிறது.

விலை மற்றும் இன்ஜின்

ஹூண்டாய் எக்ஸ்டரின் ஆரம்ப எக்ஸ் ஷோரூம் விலை ரூ.5.81 லட்சமாக உள்ளது. இதன் டாப் வேரியண்ட் ரூ.9.61 லட்சம் வரை விற்பனை செய்யப்படுகிறது. இதில் 1.2 லிட்டர், 4-சிலிண்டர் பெட்ரோல் இன்ஜின் வழங்கப்பட்டுள்ளது.

இதன் பெட்ரோல் மாடல் 83 PS பவரையும் 113.8 Nm டார்க்கையும், சிஎன்ஜி மாடல் 69 PS பவரையும் 95.2 Nm டார்க்கையும் வெளிப்படுத்துகிறது. சிஎன்ஜி மாடலில் உள்ள டூயல் சிலிண்டர் அமைப்பால் காரின் பூட் ஸ்பேஸ் மிச்சமாகிறது.

மைலேஜ் மற்றும் பாதுகாப்பு அம்சங்கள்

இதன் பெட்ரோல் மேனுவல் வேரியண்ட் 19.4 கி.மீ, ஆட்டோமேட்டிக் 19.2 கி.மீ மற்றும் சிஎன்ஜி மாடல் அதிகபட்சமாக 27.1 கி.மீ மைலேஜ் வழங்குகின்றன. பாதுகாப்பைப் பொறுத்தவரை, இதில் மொத்தம் 45 அம்சங்கள் உள்ளன. 6 ஏர்பேக்குகள் உட்பட 30 அம்சங்கள் நிரந்தர வசதியாக அனைத்து வேரியண்ட்களிலும் தரப்படுகின்றன.

மேலும், ஹில் ஸ்டார்ட் அசிஸ்ட், எலக்ட்ரானிக் ஸ்டெபிலிட்டி கண்ட்ரோல், ஹெட்லேம்ப் எஸ்கார்ட், சைல்டு சீட் ஆங்கர்கள், ரியர் பார்க்கிங் கேமரா மற்றும் டயர் பிரஷர் மானிட்டரிங் சிஸ்டம் ஆகியவையும் இடம்பெற்றுள்ளன.

யாருக்கு ஹூண்டாய் எக்ஸ்டர்?

பாதுகாப்பு, அதிக மைலேஜ் மற்றும் குறைந்த விலையில் எஸ்யூவி காரை எதிர்பார்ப்பவர்களுக்கு ஹூண்டாய் எக்ஸ்டர் ஒரு சிறந்த தேர்வாக அமைந்துள்ளது. டாடா பஞ்ச் காரை விட விற்பனையில் பின்தங்கியிருந்தாலும், இதன் 34% வருடாந்திர விற்பனை வளர்ச்சி மக்களிடம் இதற்கான தொடர் தேவையைக் காட்டுகிறது.

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.