LIVE | Kerala Lottery Result Today (12.08.2026): தனலட்சுமி தேடி வருவாளா? கேரளா லாட்டரி குலுக்கல் முடிவுகள்!

Kerala Lottery Result (August 12, 2026): கேரள மாநில லாட்டரித் துறையின் தனலட்சுமி லாட்டரிக்கான அதிர்ஷ்ட குலுக்கல் இன்று (ஆகஸ்ட் 12) திருவனந்தபுரத்தில் நடைபெறுகிறது.

Background

கேரளா லாட்டரி குலுக்கல் என்றாலே பலருக்கும் நினைவுக்கு வருவது அதிர்ஷ்டமும், கோடிக்கணக்கான பரிசுத் தொகையும்தான். ஆனால், இந்த லாட்டரி அமைப்புக்குச் சுற்றிலும் வெளியே அதிகம் பேசப்படாத பல ஆச்சரியமான விஷயங்கள் உள்ளன.

பாதுகாப்பான அச்சிடல் முறை

கேரளா லாட்டரி சீட்டுகள் சாதாரணமான காகிதத்தில் அச்சடிக்கப்படுவதில்லை. இந்திய ரூபாய் நோட்டுகளுக்கு இணையான மிகக் கடுமையான பாதுகாப்பு அம்சங்களுடன், திருவனந்தபுரத்தில் உள்ள கேரள அரசின் மைய அச்சகத்தில் மட்டுமே இவை மிகுந்த பாதுகாப்புடன் அச்சடிக்கப்படுகின்றன. ஒவ்வொரு டிக்கெட்டிலும் போலி செய்ய முடியாத ரகசிய பார்கோடுகள் மற்றும் வாட்டர்மார்க் உள்ளன. இதனால் லாட்டரியை டூப்ளிகேட் செய்வது சாத்தியமே இல்லை.

டிஜிட்டல் அல்லாத குலுக்கல்

இன்றைய டிஜிட்டல் உலகில் பல குலுக்கல்கள் கம்ப்யூட்டர் மூலம் நடக்கிறது. ஆனால், கேரளா லாட்டரி குலுக்கல் வெளிப்படைத்தன்மையை நிரூபிக்க, கம்ப்யூட்டரை நம்புவதில்லை. ஓய்வுபெற்ற நீதிபதிகள், அரசு அதிகாரிகள் மற்றும் பொது மக்கள் அடங்கிய ஒரு குழுவின் முன்னிலையில் பிரத்யேக மெக்கானிக்கல் இயந்திரத்தின் மூலம் நேரடியாக சுழற்றப்பட்டு ஒவ்வொரு எண்ணாகக் குலுக்கல் முறையில் எடுக்கப்படுகிறது.

கோரப்படாத பரிசுத்தொகை

பல நேரங்களில் லாட்டரியில் வெற்றி பெற்றவர்கள் தாங்கள்தான் வெற்றி பெற்றோம் என்றே தெரியாமல் இருப்பார்கள் அல்லது டிக்கெட்டை தொலைத்திருப்பார்கள். இப்படி உரிமை கோரப்படாத பல நூறு கோடி ரூபாய் என்னவாகும் தெரியுமா? அந்தப் பணம் முழுமையாக அரசு கருவூலத்திற்குத் திரும்பச் சென்று, 'காருண்யா' போன்ற திட்டங்கள் வாயிலாக ஏழை மக்களின் இலவச மருத்துவ சிகிச்சைக்காகப் பயன்படுத்தப்படுகிறது.

வரிப் பிடித்தம்

முதல் பரிசு ஒரு கோடி ரூபாய் என அறிவிக்கப்பட்டால், அந்த முழு தொகையும் அப்படியே கையில் கிடைக்காது. வருமான வரி (30%), லாட்டரி ஏஜென்ட் கமிஷன் (10%) போன்ற வரிகள் பிடித்தம் போக மீதமுள்ள தொகை மட்டுமே வெற்றியாளருக்குக் கிடைக்கும்.

இந்த லாட்டரி திட்டம் வெறும் லாப நோக்கம் கொண்டது மட்டுமல்ல, பல்லாயிரக்கணக்கான மாற்றுத்திறனாளிகள் மற்றும் முதியவர்களின் குடும்பங்களை வாழ வைக்கும் முக்கிய வாழ்வாதாரமாக உள்ளது என்பது பலரும் அறியாத உண்மை.

கேரள மாநில லாட்டரித் துறையின் தனலட்சுமி லாட்டரிக்கான அதிர்ஷ்ட குலுக்கல் இன்று (ஆகஸ்ட் 12) திருவனந்தபுரத்தில் நடைபெறுகிறது.

திருவனந்தபுரத்தில் உள்ள கோர்க்கி பவனில் இன்று பிற்பகல் 3 மணிக்கு இந்த குலுக்கல் தொடங்குகிறது. கேரள லாட்டரித் துறை அதிகாரிகள் மற்றும் பொதுமக்கள் முன்னிலையில் மிகவும் வெளிப்படையான முறையில் இயந்திரம் மூலம் இக்குலுக்கல் நடத்தப்பட உள்ளது. இன்று பிற்பகல் குலுக்கல் நிறைவடைந்தவுடன், அதிகாரப்பூர்வ முடிவுகள் கேரள லாட்டரித் துறையின் இணையதளங்களான statelottery.kerala.gov.in மற்றும் keralalotteries.com ஆகியவற்றில் வெளியிடப்படும்.

16:32 PM (IST)  •  12 Aug 2026

Kerala Lottery Result Today: பரிசுத் தொகையைப் பெறுவது எப்படி?

5 ஆயிரம் ரூபாய்க்குக் குறைவான பரிசுப் பணம் எனில், கேரளாவில் உள்ள எந்த லாட்டரி கடைக்கு வேண்டுமானாலும் சென்று பணத்தைப் பெற்றுக் கொள்ளலாம். அதே நேரத்தில் 5 ஆயிரம் ரூபாய்க்கும் அதிகமான பரிசுத் தொகை எனில், வங்கி அல்லது கேரள அரசு லாட்டரி அலுவலகத்துக்கு, அடையாள ஆவணங்களோடு செல்ல வேண்டும்.

 

 

16:27 PM (IST)  •  12 Aug 2026

Kerala Lottery Result Today: எந்தெந்த பரிசுத் தொகையை, எப்படி வாங்க வேண்டும்?

ரூ.5,000 வரை பரிசுகள்: அங்கீகரிக்கப்பட்ட லாட்டரி முகவர்கள் மூலம் பெறலாம்

ரூ.1 லட்சம் வரை பரிசுகள் (கேரளாவிற்குள்): அந்தந்த மாவட்ட லாட்டரி அலுவலகத்தில் சமர்ப்பிக்கவும்

ரூ.1 லட்சம் வரை பரிசுகள் (கேரளாவிற்கு வெளியே): மாநில லாட்டரி இயக்குநரகத்தில் சமர்ப்பிக்கவும்

ரூ.1 லட்சத்திற்கு மேல் பரிசுகள்: மாநில லாட்டரி இயக்குநரிடம் சமர்ப்பிக்க வேண்டும்

ரூ.1 லட்சம் முதல் ரூ.20 லட்சம் வரை பரிசுகள்: கோரிக்கைகளை துணை இயக்குநரிடம் சமர்ப்பிக்க வேண்டும்

ரூ.20 லட்சத்திற்கு மேல் பரிசுகள்: மாநில லாட்டரி இயக்குநரிடம் நேரடியாக சமர்ப்பிக்க வேண்டும்.