Budget 2025: பிப்.1-ம் தேதி மத்திய பட்ஜெட் - மக்களின் எதிர்பார்ப்புகள் என்ன?!

Budget 2025: பட்ஜெட் எதிர்பார்ப்புகள் பற்றிய விவரங்களை இங்கே காணலாம்.

பட்ஜெட் 2025

இன்னும் இரண்டு நாட்களில் 2025-26 நிதியாண்டிற்கான பட்ஜெட் தாக்கல் செய்யப்பட இருக்கிறது. ட்ஜெட் உரை காலை 11 மணிக்கு மக்களவையில் தொடங்குகிறது. நிதியமைச்சராக பதவியேற்றுள்ள நிர்மலா சீதாராமனின் எட்டாவது பட்ஜெட் உரை இதுவாகும். அதற்கான ஏற்பாடுகள் முழுவீச்சில் நடந்து வருகிறது.

ஜவுளித்துறை உள்ளிட்ட துறைகளில் சில மூலப்பொருட்கள் வெளிநாடுகளில் இருந்து இறக்குமதி செய்யப்படுகின்றன. அவற்றை இறக்குமதி செய்யும்போது அதிக இறக்குமதி வரி கட்ட வேண்டியதாக உள்ளது. அதனால், இறக்குமதி வரிகளை குறைக்க வேண்டும் என்பது கோரிக்கையாக உள்ளது.

விவசாயம், சிறு, குறு, நடுத்தர தொழில்கள், மருத்துவம், காப்பீடு போன்ற துறைகளில் மக்களுக்கு பயனளிக்கும் வகையில் திட்டங்களைக் கொண்டுவர வேண்டும்.

வாழ்க்கைச் செலவைக் கருத்தில் கொண்டு தற்போதைய அடிப்படை விலக்கு வரம்பு போதுமானதாக இல்லை என்ற கவலையையும் ICAI எழுப்பியுள்ளது. வரிக் கடமைகளைக் குறைக்க குடும்பங்கள் வருமானத்தை மற்ற உறுப்பினர்களுக்கு மாற்றுவது குறித்து பரிசீலிக்க வேண்டும் என்று பரிந்துரைக்கப்பட்டுள்ளது

தங்கம், வெள்ளி விலை தொடர்ந்து அதிகரித்து கொண்டே இருக்கிறது. அவற்றின் இறக்குமதி வரி குறைக்கப்பட வேண்டும் என்றும் எதிர்பார்க்கப்படுகிறது.