RainFall Data: 2024ல் எந்த மாவட்டத்தில் அதிக மழை பெய்தது ? எவ்வளவு பெய்தது?
RainFall Data In 2024: இந்த ஆண்டில் அக்டோபர் முதல் டிசம்பர் வரையிலான காலத்தில் 589. 9 மி.மீ மழை பெய்துள்ளதாக வானிலை மையம் தெரிவித்துள்ளது.
2004 ஆண்டில் , இயல்பைவிட எந்த மாவட்டத்திலும் குறைவாக மழை பெய்யவில்லை என தென்மண்டல வானிலை மைய இயக்குநர் பாலச்சந்திரன் தெரிவித்துள்ளார்.
இந்நிலையில், 2024 ஆண்டில், எந்த மாவட்டத்தில் அதிக மழை பெய்தது, வடகிழக்கு பருவ மழையானது எந்த மாவட்டத்தில் அதிகமாக இருந்தது, எவ்வளவு பெய்தது என்ற தகவலை பார்ப்போம்.
வடகிழக்கு பருவமழை
வடகிழக்கு பருவமழையானது இயல்பாக அக்டோபர் மாதம் முதல் டிசம்பர் வரையிலான கால அளவில் பெய்யும். இந்த ஆண்டில் அக்டோபர் முதல் டிசம்பர் வரையிலான காலத்தில் 589. 9 மி.மீ மழை பெய்துள்ளது. வடகிழக்கு பருவ மழையானது இந்த கால அளவில் இயல்பைவிட 33 சதவிகிதம் அதிகமாக பெய்துள்ளது. கடந்த ஆண்டு வடகிழக்கு பருவமழையானது 4 சதவிகிதம் அதிகமாக இருந்தது குறிப்பிடத்தக்கது.
மாதங்களாக பார்க்கையில், அக்டோபர் மாதத்தில் இயல்பைவிட 25 சதவிகிதம் அதிகம் எனவும் நவம்பர் மாதத்தில் 23 சதவிகிதம் குறைவு எனவும் மற்றும் டிசம்பர் மாதத்தில் இயல்பைவிட 164 சதவிகிதம் அதிகமாக மழை பெய்து உள்ளதாகவும் வானிலை மையம் தெரிவித்துள்ளது.
மாவட்டங்களாக பார்க்கையில், இந்த ஆண்டு வடகிழக்கு பருவமழையை பொறுத்தவரை தமிழ்நாட்டின் 6 மாவட்டங்களான நெல்லை, சேலம், திருப்பத்தூர், தர்மபுரி, கிருஷ்ணகிரி, விழுப்புரம் ஆகிய மாவட்டங்களில் இயல்பை விட அதிகமாக மழைபெய்துள்ளதாக தென் மண்டல வானிலை மைய இயக்குநர் பாலச்சந்திரன் தெரிவித்துள்ளார்.
தென்மேற்கு பருவமழை:
தென்மேற்கு பருவமழையானது இயல்பாக ஜூன் மாதம் முதல் செப்டம்பர் வரையிலான கால அளவில் மழை பெய்யும். தென்மேற்கு பருவமழை காலத்தில் நெல்லை மாவட்டத்தில் இயல்பை விட மிக அதிகமாக மழை இருந்தது. 16 மாவட்டங்களில் இயல்பைவிட அதிகமாகவும் 17 மாவட்டங்களில் இயல்பை ஒட்டியும் 6 மாவட்டங்களில் இயல்பை விட குறைவாகவும் இருந்தது.
2024 ஆண்டு மழையளவு:
2024 ஆண்டில் மழையளவை பார்க்கையில், அதிகபட்சமாக நெல்லை மாவட்டத்தில், இயல்பைவிட 100 சதவிகிதம் அதிகமாக மழை பெய்துள்ளது. மேலும், 27 மாவட்டங்களில் இயல்பைவிட அதிகமாகவும், 12 மாவட்டங்களில் இயல்பை ஒட்டியும் மழை பெய்துள்ளதாக வானிலை மையம் தரப்பில் தெரிவிக்கப்பட்டுள்ளது. 2024 ஆண்டில் எந்த மாவட்டத்திலும் இயல்பைவிட குறைவாக மழை பெய்யவில்லை எனவும் வானிலை மையம் சார்பில் தெரிவிக்கப்பட்டுள்ளது.
மேலும், வடகிழக்கு பருவமழையானது இயல்பாக டிசம்பர் மாதத்துடன் முடியும் நிலையில், தற்போது ஜனவரி 15 வரை நீடிக்கும் என்றும் தென் மண்டல வானிலை மைய இயக்குநர் பாலச்சந்திரன் தெரிவித்துள்ளார்.
தலைப்பு செய்திகள்
ட்ரெண்டிங் செய்திகள்
