”முதல்வர் சுறுசுறுப்பாக செயல்பட்டு வருகிறார்” - சாமி தரிசனத்திற்கு பின் செல்லூர் கே.ராஜூ பேட்டி

முதலமைச்சர் ஸ்டாலின் சுறுசுறுப்பாக செயல்பட்டுவருகிறார், பிரதமர் மோடி மதுரை வருவதை தமிழக மக்கள் வாழ்த்தி வரவேற்க வேண்டும் - முன்னாள் அமைச்சர் செல்லூர் கே. ராஜூ பேட்டி.

செல்லூர்_ராஜு_முன்னாள்_அமைச்சர்

2022ஆம் ஆண்டு புத்தாண்டையொட்டி மதுரை மீனாட்சியம்மன் கோயிலில் முன்னாள் அமைச்சர் செல்லூர் கே.ராஜூ தனது குடும்பத்தினருடன் சாமி தரிசனம் செய்தார். பின்னர் செய்தியாளர்களை சந்தித்து பேசிய அவர், உலக மக்கள் அனைவரும் நோய்நொடியின்றி வாழ வேண்டியும், ஒமிக்ரான்,  கொரோனோ தொற்று நீங்க வேண்டியும், கொரோனா இல்லாத உலகமாக மாற வேண்டும் என மீனாட்சியம்மனை குடும்பத்தோடு சாமி தரிசனம் செய்துள்ளோம்.

கொரோனா பரவல் தடுப்பு நடவடிக்கையை அ.தி.மு.க அரசு செய்தது போல தி.மு.க அரசும் செயல்பட வேண்டும். ஸ்டாலின் முதலமைச்சராக சுறுசுறுப்பாக பணியாற்றுகிறார், அவரோடு சேர்ந்த அனைவரும் பணியாற்றி கொரோனா பரவலை குறைக்க நடவடிக்கைகள் மேற்கொள்ள வேண்டும். தமிழ்நாடு மக்களுக்கு தி.மு.க எதிர்கட்சியாக இருந்தபோது அளித்த வாக்குறுதியான குடும்ப அட்டைதாரர்களுக்கு ரூபாய் 5 ஆயிரம்  வழங்க வேண்டும். அதனை கண்டிப்பாக தி.மு.க அரசு செயல்படுத்தும் என நம்புகிறேன்.

புத்தாண்டு தினத்தை முன்னிட்டு அமைச்சர் செல்லூர் ராஜூ மதுரை மீனாட்சியம்மன் கோயிலில் சாமி தரிசனம் செய்தார். அப்போது செய்தியாளர்களை சந்தித்து பேசினார்.#Abpnadu | #செல்லூர்ராஜூ | #sellurraju | @SellurKRajuoffl #மீனாட்சியம்மன்கோயில் | #NewYear2022 pic.twitter.com/TAr5Hg82cv

— Arunchinna (@iamarunchinna) January 1, 2022

ஒமிக்ரான் பரவல் அதிகரிப்பால் தமிழகத்தில் மற்றொரு ஊரடங்கு வருமோ ? என்ற அச்சத்தில் மக்கள் உள்ளனர்” என்றார்.  நகைகடன் தள்ளுபடி குறித்தகேள்விக்கு  “புத்தாண்டு நாள் என்பதால் நகைக்கடன் குறித்து இன்று எதுவும் பேசவேண்டாம்” என கருத்து கூற மறுத்தார்.

 

மதுரை மாநகராட்சி கிராமம் போல உள்ளது வீதியெங்கும் சாக்கடை பெருக்கடுத்து ஓடும் நிலை உள்ளது. அ.தி.மு.க சார்பில் மாநகராட்சி நிர்வாகத்தை கண்டித்து வரும் 4-ஆம் தேதி மதுரையில் ஆர்ப்பாட்டத்தில் ஈடுபடவுள்ளோம். மதுரை மாநகராட்சிக்கு ஆயிரம் கோடி நிதி வழங்க வேண்டும், அந்த நிதியை முதல்வர் நிச்சயம் அளிப்பார் என்ற நம்பிக்கை உள்ளது. ஆளும் கட்சி , எதிர்கட்சி என எந்த நிலையில் இருந்தாலும் அ.தி.மு.க மக்களின் நலனுக்காக போராடும்.

 

 

முதலமைச்சர் மு.க.ஸ்டாலின் கொரோனா தடுப்பு நடவடிக்கையில் சுறுசுறுப்பாக செயல்பட்டு வருகிறார் - முன்னாள் அமைச்சர் செல்லூர் ராஜூ

பிரதமர் மோடி மதுரை வருவதை தமிழக மக்கள் வாழ்த்தி வரவேற்க வேண்டும் - செல்லூர் ராஜூ@SellurKRajuoffl | #மீனாட்சியம்மன் #2022NewYear | #wishes | #Abpnadu

— Arunchinna (@iamarunchinna) January 1, 2022

 

வரலாற்றில் இதுவரை எந்தவொரு இந்திய பிரதமரும் பேசாத வகையில் தமிழ் கலாச்சாரத்தையும், பெருமையையும் பற்றி பேசிவருபவர் மோடி,  உலகெங்கும் தமிழர்களின் கலாச்சார பெருமையை பறைசாற்றிவருகிறார். திருக்குறள், புறநானூறு, ஆகியவற்றை ஐநா வரை எடுத்துசென்று பேசிவருகிறார் பிரதமர் மோடி. அவர் மதுரை வருகை என்பது தமிழக மக்களுக்கு மகிழ்ச்சியை தரக்கூடியது மதுரை வரும் பிரதமரை தமிழக மக்கள் வாழ்த்தி வரவேற்க வேண்டும்”  என்றார். மேலும் திமுக எதிர்கட்சியாக இருந்தபோது மோடியை எதிர்த்தவிட்டு தற்போது வரவேற்பது அளிப்பதில் இருந்தே மக்களுக்கே தெரியும் தி.மு.கவின் நிலைப்பாடு என்னவென்று? என கூறினார்.

 

இதை படிக்க மிஸ் பண்ணாதீங்க பாஸ் - Madurai Taste | பர்மா இடியாப்பம்.. அவித்த காய்கறி குருமா.. இறைச்சி க்ரேவி.. மதுரையில் இப்படி ஒரு Foodie சொர்க்கம்