மதுரைக்கு வந்த முதல்வரின் வண்டவாளம், தண்டவாளம் ஏறியது தான் மிச்சம்.. - டி.டி.வி.தினகரன் கிண்டல் !

பி.ஜே.பி., கூட்டணியையும், தமிழ்நாட்டிற்கு எத்தனை முறை அமித்ஷா வந்தாலும் ஆட்சிக்கு வர முடியாது என முதல்வர் கூறி வருவது பயத்தின் வெளிப்பாடு - டி.டி.வி தினகரன் பேட்டி.

டி.டி.வி தினகரன்

 

டி.டி.வி.தினகரன் செய்தியாளர் சந்திப்பு

 

அம்மா மக்கள் முன்னேற்றக் கழகத்தின் மதுரை புறநகர் மாவட்டம் கிழக்கு சட்டமன்றத் தொகுதிக்குட்பட்ட கழக செயல் வீரர்கள் ஆலோசனைக் கூட்டமானது மதுரை ஆலந்தூர் பகுதியில் உள்ள தனியார் மஹாலில் நடைபெற்றது. அமமுக பொதுச்செயலாளர் டிடிவி தினகரன் தலைமையில் நடைபெற்ற இந்த ஆலோசனைக் கூட்டத்தில் 2026-தேர்தல் குறித்து நிர்வாகிகளிடம் ஆலோசனை செய்யப்பட்டது. இதனைத் தொடர்ந்து செய்தியாளரை சந்தித்து பேசிய போது..," 234 தொகுதிகளிலும் பணியாற்ற கழக நிர்வாகிகளின் கட்டமைப்பை சரி செய்து வரும் தேர்தலில் மதுரையில் அமமுகவினர் போட்டியிட்டாலும், கூட்டணி கட்சி போட்டியிட்டாலும் தீய சக்தி திமுகவை வீழ்த்த திறம்பட செயல்பட கலந்து ஆலோசனை செய்து வருகிறோம். இந்தியா முழுவதும் சாதிவாரி கணக்கெடுப்பு எடுக்கப்படும் என பிரதமர் கூறியது சரியான முடிவு., சாதிவாரி கணக்கெடுப்பு நடத்தப்பட்டால் தான் அனைத்து சமுதாய மக்களுக்கும் தேவையான படிப்பிலும் சரி., வேலைவாய்ப்பிலும் உரிய பங்கீடு கிடைக்க ஏதுவாக இருக்கும்.

 

வடிவேல் காமெடி

 

மத்திய அரசு தொகுதி மறு சீரமைப்பு செய்ய வேண்டும் என்று தான் முடிவு எடுத்துள்ளனர். யுகங்கள் அடிப்படையில் செய்தி வருவதாக முதல்வர் கூறிவதுடன், தமிழ்நாட்டில் திமுக ஆட்சிக்கு எதிராக மக்கள் கொதித்துப் போயிருக்கிறார்கள் என்பதன் வெளிப்பாடு. தேர்தல் வாக்குறுதியை நிறைவேற்றாமல் ஏமாற்றி வரும் ஆட்சி திமுக., மத்திய அரசுக்கு எதிராக மாறு தட்டுவது பார்க்கும் போது வடிவேல் காமெடி பார்ப்பது போல இருக்கிறது.

 

வண்டவாளம் தண்டவாளம்

 

மதுரைக்கு வந்த முதல்வரால் என்ன நடந்துச்சு.? அவர்கள் வண்டவாளம் தண்டவாளம் ஏறியது தான் மிச்சம்.! சாக்கடையை துணியை வைத்து மூடியது தான்.! முதல்வரை வரவேற்க பிரியாணி கொடுத்து லாரியில் ஆட்களை ஏற்றி வந்ததை செய்திகளில் பார்த்தேன். திமுக கூட்டணி காட்சிகளை வைத்துக்கொண்டு பாஜக தமிழ்நாட்டு மக்களுக்கு எதிராக செய்கிறது என திமுக பொய் பிரச்சாரம் செய்து வருகிறது. 2026 தேர்தலில் பாஜக கூட்டணியில் தமிழகத்தில் வெற்றி பெறுவோம். கலைஞர் காலத்திலே 10 ஆண்டு காலம் திமுக ஆட்சிக்கு வர முடியாமல் தத்தளித்து நிலையில் பாஜகவை காரணம் காட்டி ஸ்டாலின் இன்றைக்கு ஆட்சிக்கு வந்துள்ளார். சிறுபான்மை மக்கள் உட்பட அனைவரும் திமுகவின் ஆட்சியை புரிந்து கொண்டார்கள். 2026ல் நிச்சயமாக ஆட்சி மாற்றம் ஏற்படும். பிஜேபி கூட்டணியையும், எத்தனை முறை அமித்ஷா வந்தாலும் ஆட்சிக்கு வர முடியாது என முதல்வர் கூறி வருவது பயத்தின் வெளிப்பாடு.

 

அமித்ஷா அடிக்கடி தமிழகம் வருவார்

 

எங்கள் கூட்டணியில் உறுதியாக பல கட்சிகள் வரும். இன்னும் காண கட்சியாக பலம் பெறும் திமுக கூட்டணி கட்சி மீது மக்களிடம் அதிர்ப்த்தி உள்ளது. கூட்டணியை எதிர்த்தாலும் வரக்கூடிய தேர்தலில் தோல்வியை சந்திக்க இருக்கிறார்கள். அமித்ஷா தேர்தல் நேரத்தில் தமிழகத்தில் அடிக்கடி வர இருக்கிறார், என அக்காட்சியை சேர்ந்தவர்கள் கூறி இருக்கிறார்கள் தற்சமயம் மதுரை வருகிறார்" என்றார்.

இதையும் படிக்க

பக்ரீத் பண்டிகை: மதுரை முழுவதும் சிறப்பு தொழுகையில் குவிந்த இஸ்லாமியர்கள்! கொண்டாட்டம் களைகட்டியது

அவரது இசையே அருமருந்து.. இசைஞானியை சந்தித்தது வாழ்நாள் பாக்கியம்.. அண்ணாமலை நெகிழ்ச்சி