”தேவையில்லாம பேசாதீங்க” இபிஎஸ் vs செங்கோட்டையன் - ஆக்ரோஷமான செல்லூர் ராஜூ

அ.தி.மு.க.,வில் எந்த பிரச்னையும் இல்லை என்று செங்கோட்டையனே சொல்லிவிட்டார். இதற்கு பின் இதில் விளக்கம் சொல்ல என்ன இருக்கிறது.

செல்லூர் ராஜூ

அ.தி.மு.க.,வில் எந்த ஒரு பிரச்னையும் இல்லை. எம்.ஜி.ஆர்., ஜெ.,படம் இல்லை என செங்கோட்டையன் அமைப்பாளரிடம் தான் தெரிவித்துள்ளார் என அதிமுக முன்னாள் அமைச்சர் செல்லூர் கே.ராஜூ காட்டமாக தெரிவித்துள்ளார்.

 

மதுரையில் திருமலை நாயக்கர் சிலைக்கு மரியாதை செய்த பின்னர் அதிமுக முன்னாள் அமைச்சர் செல்லூர் ராஜூ பேட்டி.

 

திருமலை நாயக்கர் திருவுருவ சிலைக்கு மரியாதை

 

மாமன்னர் திருமலை நாயக்கரின் 442வது பிறந்தநாள் விழாவை முன்னிட்டு, மாமன்னர் திருமலை நாயக்கர் அரண்மனையில் உள்ள திருமலை நாயக்கர் திருவுருவ சிலைக்கு அ.தி.மு.க., முன்னாள் அமைச்சர்கள் மாலை அணிவித்து மரியாதை செலுத்தினார்கள். குறிப்பாக அ.தி.மு.க., முன்னாள் அமைச்சர்கள் செல்லூர் கே.ராஜூ, கே.டி.ராஜேந்திர பாலாஜி, கடம்பூர் ராஜு, திருப்பரங்குன்றம் சட்டமன்ற உறுப்பினர் ராஜன் செல்லப்பா உட்பட அ.தி.மு.க.,வின் முக்கிய நிர்வாகிகள் பலரும் மாலை அணிவித்து செலுத்தினார்கள்.

 

 

முன்னாள் அமைச்சர் செல்லூர் கே.ராஜூ செய்தியாளர் சந்திப்பு

 

தொடர்ந்து இந்த நிகழ்வில் செய்தியாளர்களை சந்தித்து செல்லூர் ராஜு பேசுகையில்..,” அ.தி.மு.க.,வில் எந்த பிரச்னையும் இல்லை. எம்.ஜி.ஆர்., ஜெ.,படம் இல்லை என செங்கோட்டையன் அமைப்பாளரிடம் தெரிவித்துள்ளார். இந்த விவகாரத்தில் பொதுச்செயலாளர் பெயரை களங்கப்படுத்தும் நோக்கில் தி.மு.க., அரசு திட்டமிட்டு செய்துள்ளது. அ.தி.மு.க., கட்சியையோ, பொது செயலாளரையோ செங்கோட்டையன் குறை சொல்லவில்லை. சம்பந்தப்பட்ட அமைப்பாளரிடம் தான் சொல்லியுள்ளார். இதனால் கட்சிக்குள் எந்த பிரச்னையும் இல்லை என்று செங்கோட்டையனே சொல்லிவிட்டார். இதற்கு பின் இதில் விளக்கம் சொல்ல என்ன இருக்கிறது" என்றார்.

 

இதைப் படிக்க மிஸ் பண்ணாதீங்க பாஸ் - Thaipusam 2025: தைப்பூச விழா; முதல் படை வீடான திருப்பரங்குன்றம் கோயிலில் குவிந்த பக்தர்கள்

 

மேலும் செய்திகள் படிக்க இங்கே கிளிக் செய்யவும் - Thaipusam 2025: பழனியிலே பஞ்சாமிர்தத்திற்கு தட்டுப்பாடு! தைப்பூச நன்னாளில் பக்தர்களுக்கு சோதனை!