Madurai : தூய்மை பணியாளர்கள் போராட்டம்! தெருவெல்லாம் டன் கணக்கில் குப்பை! மாறிப்போன மதுரை!

தூய்மை பணியாளர்கள் போராட்ட  இரண்டாம் நாள் போராட்டத்தால் நகராட்சி முழுவதும் 1600 டன் குப்பைகள் தேக்கம்.

மாநகராட்சி குப்பை

மதுரை மாநகராட்சிக்கு உட்பட்ட 100 வார்டுகளில் பணியாற்றும் 6 ஆயிரத்திற்கும் மேற்பட்ட தூய்மை பணியாளர் உள்ளிட்ட பல்வேறு பணிகளில் ஈடுபடும் தொழிலாளர்கள் முறையான ஊதியம், பணி நிரந்தரம் உள்ளிட்ட 28 கோரிக்கை குறித்து மாநகராட்சி ஆணையர் மற்றும் மேயரிடம் 4 கட்ட  பேச்சுவார்த்தை நடத்தினர்.

#மதுரை மாநகராட்சி முழுவதும் தூய்மைப் பணியாளர்களின் போராட்டத்தால் டன் கணக்கில் குப்பைகள் தேங்கம் சாலை முழுவது மக்கள் செல்ல முடியாத அளவுக்கு இருக்கிறது. தூய்மை பணியாளர்களின் சங்கத்தை அழைத்து பேச்சுவார்த்தை நடத்தி அவர்களின் கோரிக்கைக்கு தீர்வு காண வேண்டும் என குரல் எழுகிறது.@abp pic.twitter.com/VyXIMtvCEU

— Arunchinna (@iamarunchinna) May 31, 2022

ஆனால் அதில் தொழிலாளர் சங்கங்களின் கோரிக்கை நிறைவேற்ற உறுதியளிக்கப்படாததைத் தொடர்ந்து நேற்று தொடங்கிய காலவரையற்ற வேலை நிறுத்தம் இன்று இரண்டாம் நாளாகத் தொடர்கிறது. இதன் காரணமாக மதுரை மாநகராட்சிக்குட்பட்ட பல்வேறு பகுதிகள் தூய்மை செய்ய தொழிலாளர்கள் வரதாததால் குப்பைத் தொட்டிகளில் குப்பை நிரம்பி சாலை முழுவதும் தேங்கி நோய் பரவும் அபாயம் ஏற்பட்டுள்ளது. 

 

நாறுது மதுரை 😤@city_madurai பணியாளர்களின் வேலைநிறுத்தம் இரண்டாவது நாளாக தொடர்வதால் 1700 டன் குப்பை தேக்கம்

எங்கெங்கு காணினும் குப்பைகள் குவிந்து நகரமே நாறிக் கொண்டிருக்கிறது

அரசு தலையிடாவிட்டால் நிலமை மோசமாகும்!@CMOTamilnadu @KN_NEHRU @ptrmadurai @SuVe4Madurai#Madurai https://t.co/wNweEAqmtw pic.twitter.com/qXyymPuEJS

— Vetri Dhaasan (@vetridhaasan) May 31, 2022

மாநகராட்சி முழுவதும் தூய்மைப் பணியாளர்களின் போராட்டத்தால்  1600 டன் வரையிலான குப்பைகள் தேங்கம் சாலை முழுவது மக்கள் செல்ல முடியாத அளவுக்கு இருக்கிறது. மாநகராட்சி மேயர், ஆணையர்  தமிழக அரசிடம் பேசி தூய்மைப் பணியாளர்களின் சங்கத்தை அழைத்து பேச்சுவார்த்தை நடத்தி அவர்களின் கோரிக்கைக்கு தீர்வு காண வேண்டும். மதுரை மாநகராட்சியில் உள்ள தூய்மைப் பணியை மேற்கொள்ள முடியும் என்று அனைவரின் கருத்தாக உள்ளது.

” மதுரை மாநகராட்சி ஊழியர்களின் பிரச்னை தொடர்வதால், மதுரை மாநகர் முழுவதும் தூய்மைப் பணி பாதிக்கப்பட்டுள்ளது. இதனால் 100 வார்டுகளின் பகுதியை சேர்ந்த பொதுமக்கள் பாதிக்கப்பட்டுள்ளனர் எனவே  உடனடியாக இது குறித்து ஆய்வு செய்து நடவடிக்கை எடுக்க வேண்டும் “ -  என சமூக ஆர்வலர்கள் கோரிக்கை விடுத்துள்ளனர்.

 

இதைப் படிக்க மிஸ் பண்ணாதீங்க பாஸ் - கோலாகலமாக நடந்த கொடைக்கானல் மலர் கண்காட்சி.. எத்தனை பேர் கலந்துக்கிட்டாங்க தெரியுமா?