இந்தியாவில் ஒரேநாளில் 81,466 பேருக்கு கொரோனா தொற்று பாதிப்பு..

இந்தியாவில் ஒரே நாளில் 81 ஆயிரத்து 466 பேருக்கு கொரோனா தொற்று கண்டறியப்பட்டுள்ளதாக மத்திய சுகாதாரத் துறை அமைச்சகம் கூறியுள்ளது.

மாதிரிப்படம்

இதுதொடர்பாக மத்திய சுகாதாரத்துறை அமைச்சகம் இன்று வெளியிட்டுள்ள அறிக்கையில், ‘நாட்டில் ஒரே நாளில் 81 ஆயிரத்து 466 பேருக்கு கொரோனா தொற்று கண்டறியப்பட்டுள்ளது’ என்று தெரிவிக்கப்பட்டுள்ளது. மேலும், ‘இதன்மூலம் பாதிக்கப்பட்டோரின் எண்ணிக்கை ஒரு  கோடியே 22 லட்சத்து 21 ஆயிரத்து 665-இல் இருந்து  ஒரு  கோடியே 23 லட்சத்து 3 ஆயிரத்து 131-ஆக அதிகரித்துள்ளது.

ஒரே நாளில் கொரோனாவுக்கு 469 பேர் உயிரிழந்துள்ளனர்.  இதனால், உயிரிழந்தோரின் எண்ணிக்கை ஒரு லட்சத்து 62 ஆயிரத்து 927-இல் இருந்து ஒரு லட்சத்து 63 ஆயிரத்து 396-ஆக உயர்ந்துள்ளது. பாதிப்பில் இருந்து ஒரேநாளில் 50 ஆயிரத்து 356 பேர் குணமடைந்துள்ளதால், குணமடைந்தோரின் எண்ணிக்கை ஒரு கோடியே 14 லட்சத்து 74 ஆயிரத்து 683-ல் இருந்து  ஒரு கோடியே 15 லட்சத்து 25 ஆயிரத்து 39 ஆக உள்ளது. இதுவரை 6 கோடியே 63 லட்சத்து 89 ஆயிரத்து 138 பேருக்கு தடுப்பூசி போடப்பட்டுள்ளது’ என தெரிவிக்கப்பட்டுள்ளது.