TVK Vijay: ‘எனக்கு வருத்தம் எல்லாம் கிடையாது” - மனைவி சங்கீதா தொடுத்த வழக்கு... முதல்முறையாக வாய் திறந்த விஜய்
TVK Vijay: தனது விவாகரத்து வழக்கு குறித்து மறைமுகமாக பேசினார் தவெக தலைவர் விஜய்.
மகளிர் தினவிழாவில் தனது விவாகரத்து வழக்கு குறித்து பேசிய தவெக தலைவர் விஜய், அதைப்பற்றி எல்லாம் கவலைப்பட வேண்டாம் தான் அதை பார்த்துக்கொள்வதாக கூறியுள்ளார்.
விவாகரத்து வழக்கு
தவெக தலைவர் விஜயிடம் இருந்து தனக்கு விவாகரத்து வழங்கக்கோரி அவரின் மனைவி சங்கீதா செங்கல்பட்டு குடும்ப நல நீதிமன்றத்தில் மனுத்தாக்கல் செய்திருந்தார். பனிரெண்டு பக்கங்கள் கொண்ட அந்த மனுவில், விஜய் மீது அடுக்ககடுக்கான குற்றச்சாட்டுகளை சங்கீதா வைத்துள்ளார். விஜயின் தனிப்பட்ட வாழ்க்கை குறித்து கடந்த வாரம் வந்த இந்த செய்தியால் அவரின் தொண்டர்கள், ரசிகர்கள் மிகவும் கவலைக்கு ஆளாகி இருந்தனர்.
வீட்டில் அனுமதிக்க விஜய் மறுப்பு
இந்த நிலையில், விஜயின் நீலாங்கரை வீட்டில் தங்க அனுமதிக்கும்படி இடைக்கால உத்தரவு பிறப்பிக்க வேண்டும் என்று சங்கீதா செங்கல்பட்டு நீதிமன்றத்தில் மனுத்தாக்கல் செய்திருந்தது மேலும் பரபரப்பை அதிகரித்தது. தன்னை வீட்டுக்குள் அனுமதிக்க விஜய் மறுப்பதாக குற்றச்சாட்டிய சங்கீதா, கோடி, கோடியாக சம்பாதிக்கும் விஜய் தனக்கும், குழந்தைகளுக்கும் நியாயமான ஜீவனாம்சம் கொடுக்க வேண்டும் என்றும் குறிப்பிட்டிருந்தார்.
விஜய் இன்று மகளிர் தினவிழா கொண்டாடுவதற்கு சில மணி நேரங்களுக்கு முன்னர் வந்த இந்த செய்தி மேலும் கழக தொண்டர்கள், ரசிகர்களுக்கு மேலும் வருத்தத்தை ஏற்படுத்தியது. இந்த நிலையில், மாமல்லபுரத்தில் இன்று நடைபெற்ற மகளிர் தினவிழாவில் தனது சொந்த வாழ்க்கை பிரச்னை குறித்து மறைமுகமாக பேசி அதற்கு முற்றுப்புள்ளி வைத்தார்.
விவாகரத்து வழக்கு குறித்து மறைமுகமாக பேசிய விஜய்
“தற்போது நடைபெறும் பிரச்சனைகள் குறித்து நீங்கள் கஷ்டப்படுவதை நான் பார்க்கிறேன்.அதனால், எனக்கு வருத்தம் ஏற்படுகிறது. அதையெல்லாம் நான் பார்த்துக் கொள்கிறேன். நாம் சேர்ந்து மக்களுடைய பிரச்சனைகளை மட்டும் பார்ப்போம். நீங்கள் வருத்தம் அடைய வேண்டாம். எனக்கு வருத்தம் எல்லாம் கிடையாது” என்று விஜய் பேசினார். விஜயின் இந்த பேச்சு சோர்ந்து கிடர்ந்த அவரின் ஆதரவாளர்களுக்கு கொஞ்சம் நிம்மதியை கொடுத்துள்ளது.
எனக்கு வருத்தம் எல்லாம் கிடையாது...https://t.co/wupaoCzH82 | #TVK #Vijay #Womensday #Sangeetha #Divorce #NoWorries #ABPnadu pic.twitter.com/n3VgaTFthK
— ABP Nadu (@abpnadu) March 7, 2026
தலைப்பு செய்திகள்
ட்ரெண்டிங் செய்திகள்
