மாலை நேர தேநீருடன் அரிசி சாதப் பக்கோடா! நச்சுனு ஒரு ஸ்நாக்ஸ்! செய்முறை என்ன?

சரி ஏதாவது சாப்பிடத் தரலாம் என பிரிட்ஜைத் திறந்த பார்த்தால் காய்கறிகள் தான் இருக்கும். அதை வைத்து உடனடியாகச் செய்வதானால் பக்கோடா செய்யலாம்

பக்கோடா

இந்தியக் குடும்பங்களின் பாரம்பரியங்களில் தவிர்க்க முடியாத ஒன்று விருந்தாளிகளின் திடீர் வருகை. நாம் வேலையை விட்டுவிட்டு வீட்டுக்கு வந்தால் நமக்கு முன்னரே விருந்தாளிகள் வீட்டுக்கு வந்து அமர்ந்திருப்பார்கள். அரக்கபறக்க வந்து, சரி ஏதாவது சாப்பிடத் தரலாம் என பிரிட்ஜைத் திறந்த பார்த்தால் காய்கறிகள் தான் இருக்கும். அதை வைத்து உடனடியாகச் செய்வதானால் பக்கோடா செய்யலாம். காய்கறிகளை நைஸாக நறுக்கி மாவு சேர்த்து பிசிறி பிறகு எண்ணெயில் பொரித்து எடுத்ததும் சூடாக முறுவலாக வரும் பக்கோடாவை சூடான டீயுடன் அந்த விருந்தினர்களுக்குப் பரிமாறலாம். அதுவே, வெறும் சாதம் மட்டும்தான் இருக்கிறது என்றாலும் சாதத்தில் கூட பக்கோடா செய்யலாம் என்கின்றனர் சமையல் வல்லுநர்கள்.

இது தவிர சாதத்தில் செய்த பக்கோடாவை நமத்துப் போகாமல் மிருதுவாக சுவையாக வைத்திருக்க சில குறிப்புகள்: 

 அரிசி மாவு / சோள மாவு சேர்க்கவும்: பொதுவாக நாம் பக்கோடா மாவில் கடலை மாவை சேர்க்கிறோம். கடலைமாவின் குணம் அது நீண்ட நேரம் மிருதுத் தன்மையைக் கொண்டிருக்காது. அங்குதான் கொஞ்சம் அரிசி மாவு அல்லது சோள மாவு உதவுகிறது. அரிசி மாவு பக்கோடாவை மிருதுவாக மாற்ற உதவுவது மட்டுமல்லாமல், அதிகப்படியான எண்ணெயை உறிஞ்சுவதையும் தவிர்க்கிறது.

குளிர்ந்த நீரை சேர்க்கவும்: மாவில் சேர்க்கும் போது தண்ணீர் குளிர்ச்சியாக இருக்கிறதா என்று எப்போதும் சரிபார்க்கவும். குளிர்ந்த நீர் அனைத்து பொருட்களையும் ஒன்றாக இணைக்க உதவுகிறது மற்றும் சரியான நிலைத்தன்மையை பராமரிக்க உதவுகிறது. கூடுதலாக, இது அதிகப்படியான எண்ணெய் உறிஞ்சுதலைத் தடுக்கிறது, பக்கோடாவை மிருதுவாக ஆக்குகிறது. 

அதிகமாகக் கலப்பதைத் தவிர்க்கவும்: மாவை அதிகமாகக் கலப்பது அதிகப்படியான பசையத்தை வெளியிடுகிறது. இது மேலும் அதிக எண்ணெயை உறிஞ்சுகிறது, இது பக்கோடாவை எந்த நேரத்திலும் நமத்துப் போகச் செய்கிறது. 

எண்ணெயை சரியாக சூடாக்கவும்: அதிகப்படியான எண்ணெய் உறிஞ்சுதலைத் தவிர்க்க நாம் பக்கோடாவை சரியாக வறுக்க வேண்டும். ஆழமான கடாயைப் பயன்படுத்தவும், தேவையான அளவு எண்ணெய் சேர்க்கவும். எண்ணெயை நன்கு சூடாக்கி பின் மிதமான தீயில் வைத்து பொரித்து எடுக்கவும். 

இது பக்கோடாவை சமமாக வறுக்க உதவுவது மட்டுமல்லாமல், அதிகப்படியான எண்ணெய் உறிஞ்சப்படுவதைத் தவிர்க்கவும் உதவும். 

அளவைக் கண்காணிக்கவும்: எப்போதும் சிறிய தொகுதிகளில் பக்கோடாவை வறுக்கவும். இது வெப்பநிலையை பராமரிக்கவும், பக்கோடாவை சமமாக வறுக்கவும் உதவும்.

அரிசி பக்கோடா செய்முறை: 

 தேவையான பொருட்கள்: ஒரு கிண்ணம் சாதம்- பெரும்பாலும் மீதமுள்ள சாதம், கடலைமாவு, அரிசி மாவு, நறுக்கிய வெங்காயம், பச்சை மிளகாய் ஆகியவற்றையும் பயன்படுத்தலாம். இஞ்சி, கொத்தமல்லி, சீரக தூள், காஷ்மீரி சிவப்பு மிளகாய் தூள், மஞ்சள் தூள், சுவைக்கு உப்பு மற்றும் சுத்திகரிக்கப்பட்ட எண்ணெய் ஆகியவற்றை சேர்க்கவும். 

சாதத்தை நன்றாக பிசைந்து கொள்ளவும். பின்னர் அதில் மற்ற அனைத்து பொருட்களையும் (எண்ணெய் தவிர) சேர்த்து கலக்கவும். சிறிது தண்ணீர் சேர்த்து அரை தடிமனான பதத்துக்கு மாவை தயார் செய்யவும்.

அடுத்து, ஒரு பாத்திரத்தில் எண்ணெயை சூடாக்கி, மாவிலிருந்து சிறிய பகுதிகளைச் சேர்க்கத் தொடங்குங்கள். பொன்னிறமாகவும் மிருதுவாகவும் இருக்கும் வரை அவற்றை நன்கு வறுக்கவும். ஒரு டிஷ்யூ பேப்பரில் பக்கோடாக்களை எடுத்து, அதிகப்படியான எண்ணெயை உறிஞ்சவும். அரிசிப் பக்கோடா ரெடி!