MRB Recruitment 2023: நாளையே கடைசி!12-ம் வகுப்பு தேர்ச்சி போதும்; 335 பணியிடங்கள்;உடனே அப்ளை பண்ணுங்க!
MRB Recruitment 2023: மருத்துவ பணியாளர் தேர்வு வாரியத்தின் வேலைவாய்ப்பு அறிவிப்பு குறித்த விவரத்தினை இங்கே காணலாம்.
தமிழ்நாடு மருத்துவ வாரியத்தில் அறுவை சிகிச்சை அரங்கு உதவியாளர் (Theatre Assistant) பணியிடங்களை நிரப்புவதற்கான அறிவிப்பினை மருத்துவ பணியாளர் தேர்வு வாரியம் ( Medical Service Recruitment Board - MRB) அறிவிப்பு வெளியிட்டுள்ளது.
தமிழ்நாடு மருத்துவ சார்நிலைப் பணிகளில் அடங்கிய பணியிடங்கள் தற்காலிக அடிப்படையில் நிரப்பட உள்ளன. தகுதியுள்ளவர்கள் வரும் 23 ஆம் தேதிக்குள் விண்ணப்பித்துக் கொள்ளலாம்.
பணியிட விவரம்:
அறுவை சிகிச்சை அரங்கு உதவியாளர் (Theatre Assistant)
மொத்த பணியிடங்கள் - 335
கல்வித் தகுதி :
இதற்கு விண்ணப்பிக்க 12- ஆம் வகுப்பில் அறிவியல், வேதியியல், உயிரியல், இயற்பியல் பாடங்களை படித்து தேர்ச்சி பெற்றிருக்க வேண்டும். அதோடு Theatre Technician Course படிப்பில் தேர்ச்சி பெற்றிருக்க வேண்டும்.
ஊதிய விவரம்:
இந்தப் பணியிடத்திற்கு ரூ. 16,600 முதல் ரூ. 52,400 வரை மாத ஊதியமாக வழங்கப்படும்.
வயது வரம்பு விவரம் :
இந்த பணியிடங்களுக்கு 18 வயது முதல் 32 வயது வரை உள்ளவர்கள் விண்ணப்பிக்கலாம். வயது வரம்பில் அளிக்கப்பட்டுள்ள தளர்வுகளின் விவரம்.
தேர்வு செய்யப்படும் முறை :
இந்த பணியிடங்களுக்கு பத்தாம் வகுப்பு, 12 - ஆம் வகுப்பு மற்றும் சான்றிதழ் படிப்புகளில் பெற்ற மதிப்பெண்களின் அடிப்படையில் தகுதியானவர்கள் தேர்ந்தெடுக்கப்படுவார்கள். இதில் பத்தாம் வகுப்பு மதிப்பெண்கள் 20%- க்கும், 12 -ஆம் வகுப்பு மதிப்பெண்கள் 30%- க்கும், சான்றிதழ் படிப்பு மதிப்பெண்கள் 50%- க்கும் கணக்கிடப்படும். இதற்கு எழுத்து தேர்வு மற்றும் நேர்முகத் தேர்வு கிடையாது.
விண்ணப்பிக்கும் முறை :
இதற்கு விண்ணப்பிக்க https://mrbonline.in/ - என்ற இணையதள முகவரி மூலம் ஆன்லைனில் விண்ணப்பிக்க வேண்டும்.
விண்ணப்பக் கட்டணம் :
பொதுப் பிரிவினருக்கு ரூ. 600, பட்டியலின/ பழங்குடியின பிரிவினருக்கு ரூ. 300 விண்ணப்ப கட்டணமாக நிர்ணயிக்கப்பட்டுள்ளது.
விண்ணப்பிக்க கடைசி தேதி : 23.02.2023
இந்த அறிவிப்பு தொடர்பாக மேலும் விவரங்கள் அறிய https://www.mrb.tn.gov.in/pdf/2023/theatre_asst_notification_030223.pdf - என்ற இணைப்பை க்ளிக் செய்து காணவும்.
தலைப்பு செய்திகள்
ட்ரெண்டிங் செய்திகள்
