IBPS CLERK NOTIFICATION 2022: வங்கிகளில் எழுத்தர் பணிகளில் காலியிடங்களுக்கான அறிவிப்பு..
Institute of Banking Personnel Selection என்றழைக்கப்படும் வங்கி பணியாளர் தேர்வு நிறுவனம் இந்த ஆண்டின் எழுத்தர் பணிகளுக்கான விண்ணப்பங்கள் தொடர்பான அறிவிப்பை ஆன்லைனில் வெளியிட்டுள்ளது.
Institute of Banking Personnel Selection என்றழைக்கப்படும் வங்கி பணியாளர் தேர்வு நிறுவனம் இந்த ஆண்டின் எழுத்தர் பணிகளுக்கான விண்ணப்பங்கள் தொடர்பான அறிவிப்பைக் கடந்த ஜூன் 29 அன்று ஆன்லைனில் வெளியிட்டுள்ளது. வரும் ஜூலை 1 முதல், வங்கி எழுத்தர் பணிகளுக்கு ibps.in என்ற இணையதளத்தில் 'Common Recruitment Process' (CRP Clerk XII) என்ற பகுதியில் விண்ணப்பிக்கலாம். இதில் தேர்வு செய்யப்படுவோர் வங்கி பணியாளர் தேர்வு நிறுவனம் நடத்தும் எழுத்தர் முதல்நிலைத் தேர்வு 2022க்கு அழைக்கப்படுவர்.
வங்கி பணியாளர் தேர்வு நிறுவனம் வெளியிட்டுள்ள இந்த அறிவிப்பில் முக்கிய தேதிகள் குறிப்பிடப்பட்டுள்ளன. மேலும், விண்ணப்பங்கள் வரும் ஜூலை 21 வரை மட்டுமே பெறப்படுகின்றன.
வங்கி பணியாளர் தேர்வு நிறுவனம் - எழுத்தர் பணி - தேர்வு செய்யப்படும் முறை:
வழக்கமாக வங்கி பணியாளர் தேர்வு நிறுவனத்தின் எழுத்தர் பணிக்கான தேர்வு இரண்டு கட்டங்களாக நடத்தப்படுகின்றன. முதல்நிலைத் தேர்வு, மெயின்ஸ் தேர்வு என இவை பிரிக்கப்பட்டுள்ளன. வரும் ஜூலை 1 முதல், இந்த விண்ணப்பம் தொடர்பான முழு விவரங்களும் வங்கி பணியாளர் தேர்வு நிறுவனத்தின் இணையதளத்தில் வெளியிடப்படும். இதில் தகுதி விவரம், எப்படி விண்ணப்பிப்பது முதலான தகவல்கள் இடம்பெற்றிருக்கும்.
வங்கி பணியாளர் தேர்வு நிறுவனம் - எழுத்தர் பணி - முக்கிய தேதிகள்:
பதிவு தொடங்கும் நாள்: ஜூலை 01, 2022
பதிவு செய்வதற்கான இறுதி நாள்: ஜூலை 21, 2022
வங்கி பணியாளர் தேர்வு நிறுவனத்தின் எழுத்தர் பணிக்கான நுழைவுச் சீட்டு: ஆகஸ்ட் 2022
வங்கி பணியாளர் தேர்வு நிறுவனத்தின் எழுத்தர் பணிக்கான பயிற்சி : ஆகஸ்ட் 2022
முதல்நிலைத் தேர்வுக்கான அழைப்புக் கடிதம் வெளியீடு: ஆகஸ்ட் 2022
ஆன்லைன் முதல்நிலைத் தேர்வுகள்: செப்டம்பர் 2022
முதல்நிலைத் தேர்வு முடிவுகள்: செப்டம்பர்/அக்டோபர் 2022
மெயின்ஸ் தேர்வுக்கான அழைப்புக் கடிதம் வெளியீடு: அக்டோபர் 2022
மெயின்ஸ் தேர்வு: அக்டோபர் 2022
தற்காலிக நியமன ஒதுக்கீடு” ஏப்ரல் 2023
கடந்த ஆண்டு வங்கி பணியாளர் தேர்வு நிறுவனத்தின் மூலமாக நாடு முழுவதும் பேங்க் ஆஃப் இந்தியா, இந்தியன் ஓவர்சீஸ் வங்கி, செண்ட்ரல் பேங்க் ஆஃப் இந்தியா, கனரா வங்கி, யுகோ வங்கி, பஞ்சாப் நேஷனல் வங்கி, பேங்க் ஆஃப் பரோடா, இந்தியன் வங்கி, பஞ்சாப் & சிந்த் வங்கி, பேங்க் ஆஃப் மகாராஷ்ட்ரா, யூனியன் பேங்க் ஆஃப் இந்தியா ஆகிய 11 அரசு வங்கிகளில் சுமார் 7855 பணியிடங்கள் நிரப்பப்பட்டது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
