Zika Virus : ஜிகா வைரஸ் தொற்று… அடுத்த தலைவலியா? அறிகுறி, சிகிச்சை, தடுப்பு முறைகளை தெரிஞ்சிக்கோங்க…

பாதிக்கப்பட்ட கொசு மனிதர்களை கடிப்பதால் இது பெரும்பாலும் பரவுகிறது. இந்த இனங்கள் பொதுவாக பகல் மற்றும் இரவு என நேரம் காலம் இல்லாமல் எல்லா நேரங்களிலும் கடிக்கும் என்று தெரிவிக்கப்பட்டுள்ளளது.

ஜிகா வைரஸ் (representative image)

கர்நாடகாவில் முதன் முறையாக கோலார் மாவட்டத்தைச் சேர்ந்த ஐந்து வயது சிறுமிக்கு ஜிகா வைரஸ் தொற்று இருப்பது உறுதி செய்யப்பட்டுள்ளது. அரசாங்கம் நிலைமையை உன்னிப்பாகக் கண்காணித்து வருகிறது என்று மாநில சுகாதார அமைச்சர் டாக்டர் கே சுதாகர் கூறியுள்ளார்.

ஜிகா வைரஸ்

இந்த மாத தொடக்கத்தில், புனேவில் 67 வயதான ஒருவருக்கும் ஜிகா வைரஸ் தொற்று இருப்பது கண்டறியப்பட்டது. நாசிக்கில் வசிக்கும் அந்த நபர், நவம்பர் 6-ஆம் தேதி புனே வந்த நிலையில் அவருக்கு தொற்று உறுதி செய்யப்பட்டது. ஜிகா வைரஸ் தொற்று என்பது கொசுக்களால் பரவும் நோயாகும், இது சிக்குன்குனியா மற்றும் டெங்கு வைரஸ்களை பரப்பும் அதே இனமான ஏடிஸ் கொசுவால் பரவுகிறது. பாதிக்கப்பட்ட கொசு (ஏடிஸ் இனங்கள் - ஏ. ஏஜிப்டி மற்றும் ஏ. அல்போபிக்டஸ்) மனிதர்களை கடிப்பதால் இது பெரும்பாலும் பரவுகிறது. இந்த இனங்கள் பொதுவாக பகல் மற்றும் இரவு என நேரம் காலம் இல்லாமல் எல்லா நேரங்களிலும் கடிக்கும் என்று தெரிவிக்கப்பட்டுள்ளளது.

ஜிகா வைரஸ் தொற்று என்றால் என்ன?

உலக சுகாதார அமைப்பின் (WHO) கூற்றுப்படி, ஜிகா வைரஸ் நோய் ஒரு கர்ப்பிணிப் பெண்ணையும் அவருடைய கருவையும் பாதிக்கலாம். கர்ப்ப காலத்தில் ஏற்படும் நோய்த்தொற்று குழந்தைக்கு சில பிறப்பு குறைபாடுகள் மற்றும் பிற குறைபாடுகளை ஏற்படுத்தும். இதன் மூலம் மூட்டு சுருக்கங்கள், காது கேளாமை, கண் பார்வை குறைவு மற்றும் அதிக தசைநார் ஆகிய பிரச்சனைகள் கூட ஏற்படும். பெரியவர்களில், இந்த நோய் மூளை மற்றும் நரம்பு மண்டலத்தில் சிக்கல்களுக்கு வழிவகுக்கும். மேலும், இந்த வைரஸ் ஒரு பாதிக்கப்பட்ட நபரிடமிருந்து மற்றொருவருக்கு பாலியல் ரீதியாக பரவுகிறது என்று கண்டறியப்பட்டுள்ளது.

சிகிச்சை

நோய்க்கு குறிப்பிட்ட சிகிச்சை என்று எதுவும் இல்லை, மூட்டு வலி மற்றும் காய்ச்சல் போன்ற அறிகுறிகளைக் கட்டுப்படுத்த மருந்துகள் பரிந்துரைக்கப்படுகின்றன. நோயாளிகள் நிறைய நீர்ச்சத்து எடுத்துக்கொள்ள வேண்டும் என்றும், போதுமான ஓய்வு பெறவும் பரிந்துரைக்கப்படுகிறார்கள்.

அறிகுறிகள்

Zika வைரஸ் அறிகுறிகள் பொதுவாக லேசானதாக இருக்கும். 5 பேரில் ஒருவரை மட்டுமே பாதிக்கும் இந்த நோய், பாதிக்கப்பட்ட கொசுக்கள் கடித்த 2 வாரங்களுக்கு பிறகுதான் அறிகுறிகள் காண்பிக்கும். காய்ச்சல், தலைவலி, கான்ஜுன்க்டிவிடிஸ் (கண் சிவத்தல்), சொறி, மூட்டு வலி மற்றும் தசை வலி ஆகியவை இதன் அறிகுறிகளாகும்.

தடுப்பு முறைகள்

• கொசுக்கள் இருண்ட, ஈரப்பதமான இடங்களை விரும்புகின்றன, எனவே கொசு உற்பத்தியிலிருந்து விடுபட வீட்டையும் சுற்றுப்புறத்தையும் சுத்தமாக வைத்திருக்க வேண்டும்.
• தூங்கும் போது கொசுவலை பயன்படுத்தவும்.
• பாதுகாப்பான ஆடைகளை அணிந்து, நீண்ட கை கொண்ட சட்டை, கால்சட்டை, சாக்ஸ் மற்றும் காலணிகளால் உங்கள் உடலை மூடவும்.
• உங்கள் ஆடைகளை துவைக்கும்போது கொசு விரட்டியைப் பயன்படுத்துங்கள்.
• உங்கள் அறைகளில் பூச்சி விரட்டியை (பக் ஸ்ப்ரே) தெளிக்கவும்.
• தெளிவான அடைபட்ட மழைநீர் கால்வாய்கள், செப்டிக் டேங்கில் காணப்படும் விரிசல் அல்லது இடைவெளிகளை சரிசெய்து திறந்த காற்றோட்டங்களை மூடி வைக்கவும்.