Tamilnadu Covid-19 data tracker: தமிழ்நாட்டில் 1612 பேருக்கு கொரோனா தொற்று - 28 பேர் உயிரிழப்பு!

கடந்த 24 மணி நேரத்தில் 12 வயதுக்கு உட்பட்ட சிறார்களில் 97 பேர் கொரோனாவால் பாதிக்கப்பட்டுள்ளனர்.

கொரோனா_தொற்று_பரிசோதனை

தமிழ்நாட்டில் இன்று ஒருநாள் கொரோனா பாதிப்பு 1624இல் இருந்து 1,612ஆக குறைந்துள்ளது. 1,53,327 மாதிரிகள் பரிசோதனை செய்யப்பட்ட நிலையில் ஒருநாள் பாதிப்பு 1,612 ஆக உள்ளது. சென்னையில் மேலும் 183 பேருக்கு தொற்று உறுதியாகியுள்ளது. கடந்த 24 மணி நேரத்தில் கொரோனாவால் 24 பேர் இறந்த நிலையில் உயிரிழந்தோர் எண்ணிக்கை 35,574 ஆக உயர்ந்துள்ளது.

 

தமிழ்நாடு முழுவதும் கொரோனாவால் பாதிக்கப்பட்டோரின் எண்ணிக்கை 26 லட்சத்து 63 ஆயிரத்து 789 ஆக உயர்ந்துள்ளது. சென்னையில் மட்டும் கொரோனாவால் இதுவரை 5 லட்சத்து 49 ஆயிரத்து 827 நபர்கள் பாதிக்கப்பட்டுள்ளனர். சென்னையில் மட்டும் இன்று 183 நபர்களுக்கு கொரோனா பாதிப்பு உறுதி செய்யப்பட்டுள்ளது.

#TamilNadu | #COVID19 | 30 Sep

Today/Total - 1,612 / 26,63,789
Active Cases - 17,150
Discharged Today/Total - 1,626 / 26,11,061
Death Today/Total - 28 / 35,578
Samples Tested Today/Total - 1,53,327 / 4,69,93,842***
Test Positivity Rate (TPR) - 1.05%#TNCoronaUpdate #TN pic.twitter.com/D4V2jtivPg

— TNCoronaUpdates (@TNCoronaUpdate) September 30, 2021

சென்னையில் ஏற்கெனவே 189 பேருக்கு தொற்று உறுதி செய்யப்பட்ட நிலையில் இன்று 183 ஆக குறைந்துள்ளது. கோயம்பத்தூரில் 176 பேரும், ஈரோட்டில் 109 பேரும், செங்கல்பட்டில் 112 பேரும், தஞ்சாவூரில் 98 பேரும் நோய்த் தொற்றுக்கு ஆளாகியுள்ளனர். கடந்த 24 மணிநேரத்தில் கொரோனா நோய் தொற்றினால் 28 பேர் உயிரிழந்துள்ளனர். இதன்மூலம் உயிரிழந்தோர் எண்ணிக்கை 35,578 ஆக உயர்ந்தது. அரசு மருத்துவமனைகளில் 19 பேரும், தனியார் மருத்துவமனைகளில் 9 பேரும் உயிரிழந்தனர். சென்னையில் இன்று 5 பேர் உயிரிழந்துள்ளனர்.

சென்னையில் மட்டும் மொத்தம் 8482 பேர் உயிரிழந்துள்ளனர். அதிகபட்சமாக சென்னையில் 5 பேர் உயிரிழந்துள்ளனர். 12 வயதுக்கு உட்பட்ட 97 சிறார்கள் கொரோனாவால் பாதிக்கப்பட்டுள்ளனர். 12 வயதுக்கு உட்பட்ட சிறார்களில் நாளுக்கு நாள் கொரொனா பாதிப்பு தொடர்ந்து அதிகரித்து வந்த நிலையில் இன்று குறைந்துள்ளது. தமிழ்நாட்டில் சிகிச்சையில் இருப்போர் எண்ணிக்கை 17,150 ஆக உள்ளது. கொரோனா தொற்றில் இருந்து மேலும் 1,626 பேர் குணமடைந்த நிலையில் இதுவரை 26,11,061 பேர் டிஸ்சார்ஜ் செய்யப்பட்டனர். 

இன்று மாநிலம் முழுவதும் 40928   ஆக்சிஜன் வசதி கொண்ட படுக்கைகளும், 25310 ஆக்சிஜன் வசதி இல்லாத படுக்கைகளும் 8145 ஐசியு படுக்கைகளும் பயன்பாட்டுக்கு தயாராக உள்ளதாக சுகாதாரத்துறை கூறியுள்ளது. பொதுமக்கள் முகக்கவசம் அணிவது, கைகளை அடிக்கடி கழுவுவது, தேவையில்லாமல் வெளியில் செல்லாமல் இருப்பது, சமூக இடைவெளியை முறையாக கடைபிடிப்பது போன்ற முன்னெச்சரிக்கை நடவடிக்கைகளை முறையாக கையாண்டால் கொரோனா தொற்றில் இருந்து தற்காத்துக்கொள்ளலாம்.