Vijay TV Pugazh: 'நான் அப்பாவாக போறேன்' .. முதல் திருமண நாளில் சூப்பர் நியூஸ் சொன்ன புகழ்..!
‘குக் வித் கோமாளி’ நிகழ்ச்சியின் மூலம் பிரபலமான நடிகர் புகழ் தனது முதல் திருமண நாளை முன்னிட்டு சமூக வலைத்தள பக்கத்தில் பதிவு ஒன்றை வெளியிட்டுள்ளார்.
‘குக் வித் கோமாளி’ நிகழ்ச்சியின் மூலம் பிரபலமான நடிகர் புகழ் தனது முதல் திருமண நாளை முன்னிட்டு சமூக வலைத்தள பக்கத்தில் பதிவு ஒன்றை வெளியிட்டுள்ளார்.
விஜய் டிவியில் ஒளிபரப்பான 'குக் வித் கோமாளி' நிகழ்ச்சியின் மூலம் பிரபலமடைந்தவர் புகழ். அவரின் ஹேர்ஸ்டைல் மற்றும் காமெடியான பேச்சு ரசிகர்களை பெரிய அளவில் கவர்ந்தது. தொடர்ந்து சினிமாவிலும் அவருக்கான வாய்ப்பு வர ஆரம்பித்தது. அந்த வகையில் அஜித் நடித்த வலிமை, சூர்யாவின் எதற்கும் துணிந்தவன், சசிகுமார் நடித்த அயோத்தி, அருண் விஜய் நடித்த யானை, சிவகார்த்திகேயனின் டான், கௌதம் கார்த்தி நடித்த 1947 உள்ளிட்ட படங்களில் புகழ் நடித்துள்ளார்.
இதில் அயோத்தி, 1947 ஆகிய படங்களில் புகழின் நடிப்பு மிகுந்த பாராட்டைப் பெற்றது. இதனைத் தொடர்ந்து எம்.ஜே.இளன் இயக்கும் ‘துடிக்கிறது மீசை’ படத்தில் ஹீரோவாக புகழ் அறிமுகமாகிறார். காதல் தோல்வியை மையப்படுத்திய இந்த படத்தில் இன்னொரு ஹீரோவாக ஹீரோவாக நடிக்கிறார். இதனை தவிர்த்து ‘மிஸ்டர் ஜூ கீப்பர்’ என்ற புதிய படத்தில் புகழ் ஹீரோவாக நடித்து வருகிறார்.
இப்படியான நிலையில், திண்டிவனம் அருகேயுள்ள தீவனூர் பொய்யாமொழி விநாயகர் ஆலயத்தில் கடந்த 2022 ஆம் ஆண்டு செப்டம்பர் 1 ஆம் தேதி புகழுக்கு திருமணம் நடைபெற்றது. தனது நீண்ட நாள் காதலியான பென்ஸியாவை எளிய முறையில் திருமணம் செய்து கொண்டதை கண்டு ரசிகர்கள் ஆச்சரியப்பட்டனர். இவர்களது திருமணத்திற்கு திரையுலகைச் சேர்ந்த பலரும், ரசிகர்களும் சமூக வலைத்தளங்கள் வாயிலாக வாழ்த்துகளை தெரிவித்து வந்தனர்.
View this post on Instagram
இப்படியான நிலையில் புகழுக்கு இன்று முதல் திருமண நாளாகும். இதனை முன்னிட்டு தனது சமூக வலைத்தளத்தில் தனது கர்ப்பிணி மனைவியுடன் இருக்கும் புகைப்படம் ஒன்றை அவர் வெளியிட்டுள்ளார். அதில், “ன்னுடைய வளர்ச்சியில் வழித்துணையாய் வந்தவள், இப்போது என்னை என் வாழ்வின் அடுத்தக்கட்டத்திற்கு கொண்டு சென்றுள்ளாள். இத்தனை நாட்களில் எத்தனையோ பரிசுகளை எனக்கு அளித்தவள், ஆனால் இன்று அவள் அளித்த பரிசிற்கு ஈடு இணையே இல்லை.
என் அனைத்து சுக துக்கங்களிலும் என்னுடன் இருந்தவள் நீ, இனி இன்னொரு உயிரும் நம்முடன் இருக்கப்போகிறது என்று நினைக்கும் போது, இதைவிட பெரிய மகிழ்ச்சி இந்த உலகத்தில் வேறெதுவும் இல்லை. ன்னை தகப்பனாக்கிய என் தாயுமானவளுக்கு அன்பு முத்தங்கள்... இனிய திருமண நாள் வாழ்த்துக்கள்” என தெரிவிக்கப்பட்டுள்ளது.
தலைப்பு செய்திகள்
ட்ரெண்டிங் செய்திகள்
