Bigg Boss 7 Tamil: கடைசியில் ட்விஸ்ட் கொடுத்த பிக்பாஸ்.. இழுத்தடித்த எவிக்‌ஷன் ஷூட்டிங்.. இவர்தான் இந்த வார எலிமினேஷனாம்!

Bigg Boss 7 Tamil: கடைசி நிமிடத்தில் யுகேந்திரனுக்கு பதிலாக அதிரடி டிவிஸ்டாக வேறொருவர் வெளியேறி இருப்பதாக தகவல் பரவி வருகிறது.

பிக்பாஸ் சீசன் 7 போட்டியாளர்கள்

Bigg Boss 7 Tamil: கமல்ஹாசன் தொகுத்து வழங்கும் பிக்பாஸ் சீசன் 7 அக்டோபர் ஒன்றாம் தேதி முதல் விஜய் டிவியில் ஒளிபரப்பாகி வருகிறது. இந்த சீசனில் இரண்டு வீடுகள், எவிக்‌ஷன், நாமினேஷன் உள்ளிட்ட பல சுவாரசிய சம்பவங்கள் இடம்பெற்றிருந்தன. முதல் நாளே பிக்பாஸ் போட்டியாளர்கள் இரண்டு வீட்டிற்கும் பிரிக்கப்பட்டு, சிறிய பிக்பாஸ் வீட்டில் இருப்பவர்கள் தால் சமையல் செய்ய வேண்டும், பாத்ரூம் கிளீன் செய்ய வேண்டும் போன்ற நிபந்தனைகள் வைக்கப்பட்டன. 

பிக்பாஸ் வீட்டில் விதிமுறையை மீறிய விசித்ரா, பவா செல்லதுரை சிறிய பிக்பாஸ் வீட்டுக்கு அனுப்பப்பட்டனர். இதற்கிடையே, படிப்பு பற்றிய பேச்சில் விசித்ராவுக்கும் ஜோவிகாவுக்கும் இடையே வாக்குவாதம் ஏற்பட்டது. விசித்ராவிடம் கோபப்பட்டு ஜோவிகா கத்தி பேசியதை கமல்ஹாசன் கண்டித்த காட்சிகளும் இடம்பெற்றன. முதல் நாளே போட்டியாளர்களுக்கு இடையே ஏற்பட்ட வாக்குவாதம் விறுவிறுப்பை ஏற்படுத்திய நிலையில், இந்த வாரம் யார் வெளியேறப்போகிறார்கள் என்ற விவாதத்தையும் ஏற்படுத்தியது. 

இரண்டாவது வீட்டில் இருப்பவர்களில் யார் மிகக் குறைந்த ஒட்டுகளை பெறுகிறாரோ அவர் வெளியேற்றப்படுவார் எனக் கூறப்பட்டது. அந்த வகையில் யுகேந்திரன் மிகக் குறைந்த ஓட்டுகளை பெற்றிருந்தார். அவரைத் தொடர்ந்து பவா செல்லத்துரையும் அனன்யாவும் குறைந்த ஓட்டுகளைப் பெற்றனர்.

இதனால் முதலில் யுகேந்திரன் வெளியேற்றப்படுவார் என எதிர்பார்க்கப்பட்டது. ஆனால், கடைசி நிமிடத்தில் யுகேந்திரனுக்கு பதிலாக அதிரடி ட்விஸ்டாக அனன்யா வெளியேறி இருப்பதாக தகவல் பரவி வருகிறது. யுகேந்திரன் வெளியேறாத பட்சத்தில் அவருக்கு பதிலாக பவா செல்லதுரை தான் வெளியேறி இருக்க வேண்டும். ஆனால், அவர் பாதுகாக்கப்பட்டு அனன்யா வெளியேற்றப்பட்டுள்ளதாகத் தகவல் வெளியாகியுள்ளது. 

இந்த மாற்றங்களால் கமல் பங்கேற்ற எவிக்‌ஷன் ஷூட்டிங் தாமதமானதாகக் கூறப்படுகிறது. இதற்கிடையே இன்றைய எபிசோடில், வன்முறையாக பேசியதால் விஜய்க்கு ஸ்ட்ரைக் கொடுத்து கமல்ஹாசன் எச்சரிக்கும் ப்ரோமோவை விஜய் டிவி வெளியிட்டுள்ளது. முன்னதாக இந்த வார எவிக்‌ஷன் குறித்து போட்டியாளர்களிடம் கமல்ஹாசன் கேட்டபோது பெரும்பாலானோரின் தேர்வாக பவா செல்லதுரை தான் இருந்தது. 

நடப்பு  சீசனில் மாயா கிருஷ்ணா, அக்‌ஷயா உதயகுமார், பூர்ணிமா ரவி, பவா செல்லத்துரை, வினுஷா தேவி, டான்ஸர் ஐஷூ, விஜய் வர்மா, சரவண விக்ரம், கூல் சுரேஷ், மணி சந்திரா, ரவீனா தாஹா, யுகேந்திரன் வாசுதேவன், நிக்ஸன், அனன்யா ராவ், ஜோவிகா விஜயகுமார், விஷ்ணு விஜய், பிரதீப் ஆண்டனி, விசித்ரா என பலரும் பங்கேற்றுள்ளனர். 

மேலும் படிக்க: Leo Movie: என்னது.. விஜய்க்கு ஓப்பனிங் சாங் இல்லையா.. பில்ட்-அப் இல்ல.. லியோ முழுக்க முழுக்க லோகேஷ் படம்!