Rajinikanth : மனசிலாயோ பாடல் ஹிட்க்கு அனிருத் மட்டும் காரணமில்லை..நடிகர் ரஜினிகாந்த் பேட்டி

வேட்டையன் மனசிலாயோ பாடலுக்கு அனிருத் மட்டும் காரணமில்லை நடன கலைஞர் தினேஷ் மாஸ்டருன் பெரிய காரணம் என நடிகர் ரஜினிகாந்த் தெரிவித்துள்ளார்

ரஜினிகாந்த் , வேட்டையன் , அனிருத்

Source : Twitter

வேட்டையன்

ரஜினிகாந்த் நடித்துள்ள வேட்டையன் திரைப்படம் வரும் அக்டோபர் மாதம் 10 ஆம் தேதி வெளியாக இருக்கிறது. த.செ ஞானவேல் இப்படத்தை இயக்கியுள்ளார். அமிதாப் பச்சன் , ஃபகத் ஃபாசில் , ரானா டகுபதி , துஷாரா விஜயன், மஞ்சு வாரியர், ரித்திகா சிங், அபிராமி  , ரக்‌ஷன் உள்ளிட்டவகள் இப்படத்தில் நடித்துள்ளார்கள். அனிருத் இசையமைத்துள்ளார். லைகா ப்ரோடக்‌ஷன்ஸ் இப்படத்தை தயாரித்துள்ளது. வேட்டையன் படத்தின் இசை வெளியீடு நிகழ்ச்சி நேற்று சென்னையில் நடைபெற்றது. இன்று பத்திரிகையாளர்களை சந்தித்த நடிகர் ரஜினிகாந்த் வேட்டையன் படத்தின் மனசிலாயோ பாடல் இவ்வளவு பெரிய ஹிட் ஆனது குறித்து பேசினார்.

தினேஷ் மாஸ்டரை பாராட்டிய ரஜினி

" நாங்கள் படம் எடுத்து முடித்துவிட்டோம் இனிமேல் நீங்கள்தான் பார்த்து சொல்லவேண்டும். வேட்டையன் ஆடியோ லாஞ்சு ரொம்ப நன்றாக நடந்தது. ஆனால் நிகழ்ச்சிகான பாஸ் நிறைய பேருக்கு வரவில்லை என்று தகவல் வந்தது. அடுத்த முறை இந்த தவறு நடக்காமல் பார்த்துக் கொள்வோம். இவ்வளவு பெரிய நடிகர்களை இப்படத்தில் நடிக்கவைத்து அவர்களின் கால்ஷீட்டை மேனேஜ் செய்ததற்கு எக்சிகியூட்டிவ் ப்ரோட்யூசர் தமிழ் குமரனுக்கு நன்றி சொல்ல வேண்டும்.  வேட்டையன் மனசிலாயோ பாடல் இவ்வளவு பெரிய ஹிட் ஆனதற்கு அனிருத் மட்டும் காரணமில்லை. டான்ஸ் மாஸ்டர் தினேஷூம் தான். இந்த மாதிரியான எளிமையான ஸ்ட்டெப்ஸ் வைத்து பாடலை ஹிட் ஆக்குவது அவ்வளவு எளிதானது இல்லை. அடுத்தபடியாக பாடலை எழுதிய சுப்பர் சுப்பு மற்றும் விஷ்ணு எடவன் ஆகிய இருவரும் முக்கிய காரணம். " என ரஜினிகாந்த் தெரிவித்துள்ளார். 

Rightly said Thalaivaa …
6 o clock itself I posted that Stadium was overflowing. Also too much crowd in VVIP area. @sunpictures is d best in organising . Lyca should have handled this well. #Vettaiyan #Rajinikanth𓃵

pic.twitter.com/oVxuacENUp

— 𝐌𝐚𝐧𝐨 (@rajini_mano) September 22, 2024

கூலி

லோகேஷ் கனகராஜ் இயக்கத்தில் ரஜினிகாந்த் தற்போது நடித்து வரும் படம் கூலி. இப்படத்தில் நாகர்ஜூனா , உபேந்திரா , செளபின் சாஹிர் , ஸ்ருதி ஹாசன் , சத்யராஜ் உள்ளிட்ட நடிகர்கள் நடித்து வருகிறார்கள். அனிருத் இப்படத்திற்கு இசையமைக்க சன் பிக்ச்சர்ஸ் தயாரித்து வருகிறது. கடந்த ஜூலை மாதம் இப்படத்தின் படப்பிடிப்பு தொடங்கியது. ஹைதராபாதில் தொடங்கிய இப்படத்தின் படப்பிடிப்பு பின் சென்னையில் நடைபெற்றது. தற்போது விசாகபட்டினம் ஹார்பரில் படப்பிடிப்பு நடைபெற்று வருகிறது