VaanathaiPola | நான் போறேன்.. இனிமே என்னைப் பாக்கமுடியாது.. வானத்தைப்போல நடிகை கொடுத்த ஷாக்..

சன் டிவியில் ஒளிப்பரப்பாகி வரும் வானத்தைப் போல சீரியலில் இருந்து பிரபல நடிகை விலக இருப்பது அதிர்ச்சியடைத்துள்ளது.

Written By : கல்யாணி பாண்டியன் | Updated at : 13 Dec 2021 08:27 PM (IST)

வானத்தைப் போல

சன்டிவியில் ப்ரைம் டைமில் ஒளிப்பரப்பாகி வரும் சீரியல்களில் ஒன்று வானத்தைப் போல. அண்ணன் தங்கை பாசத்தை மையப்படுத்தி ஒளிப்பரப்பாகி வரும் இந்த சீரியலில் அண்ணன் கதாபாத்திரத்தில் நடிகர் தமன்குமார் நடித்து வரும் நிலையில், தங்கை கதாபாத்திரத்தில் நடிகை ஸ்வேதா நடித்து வந்தார்.

இவரது நடிப்பிற்கு ஏராளனமான ரசிகர் பட்டாளம் உருவானது. இதனிடையே இவர் இந்த சீரியலில் இருந்து விலக இருப்பதாக தகவல் வெளியானது. ஆனால் இது குறித்த அதிகாரபூர்வ தகவல் எதுவும் வெளியாக வில்லை. ஆனால் அந்தத் தகவலை சம்பந்தப்பட்டவரே தற்போது தனது இன்ஸ்டாகிராம் பக்கத்தில் உறுதிப்படுத்தியுள்ளார். இது குறித்து அவர் வெளியிட்டுள்ள பதிவில், “ வதந்தி உண்மைதான்.. சில தவிர்க்க முடியாத காரணங்களால் வானத்தைப்போல சீரியலில் இருந்து நான் விலகுகிறேன். இதுதான் நீங்கள் என்னை துளசியாக திரையில் பார்க்கும் கடைசி நாள். என்னை துளசியாக ஏற்றுக்கொண்ட அனைவருக்கும் நன்றி. நான் ஆசிர்வதிக்கப்பட்டவளாக உணர்கிறேன்” என்று பதிவிட்டுள்ளார்.