Valimai Ajith Bike: இது ஓடாது பறக்கும்.. வலிமை படத்தில் அஜித் ஓட்டும் MV Agusta Brutale 800 -ன் ஹைலைட்ஸ்..

MV Agusta Brutale 800 பைக்கின் எக்ஸ் ஷோரும் விலை ரூ 15,59,000 6 ஸ்பீடு கியர் பாக்ஸை உள்ளடக்கிய இந்த பைக் 12 வால்வுகளை கொண்டுள்ளது.

வலிமை அஜித்

ரசிகர்களிடம் மிகப் பெரிய எதிர்பார்ப்பை ஏற்படுத்தியிருக்கும் வலிமைப்படத்தின் மேக்கிங் வீடியோ அண்மையில் படக்குழு சார்பில் வெளியிடப்பட்டது. அந்த வீடியோவில் பைக் ஸ்டண்ட் சம்ந்தமான காட்சிகள், கொரோனாவால் படப்பிடிப்பு நிறுத்துப்பட்டது, அஜித் பைக் ஸ்டண்ட் செய்யும் போது கீழே விழுந்து பின்னர் மீண்டும் எழுந்தது தொடர்பான காட்சிகள் இடம்பெற்றிருந்தன. 

இந்த வீடியோ சமூக வலைதளங்களில் வைரலான நிலையில் ரசிகர்களிடம் இந்த வீடியோ ஏகோபித்த வரவேற்பை பெற்றிருந்தது. வலிமை படம் அடுத்த மாதம் பொங்களுக்கு வெளியாக உள்ள நிலையில்,படக்குழு ப்ரோமோஷன் வேலைகளில் பரபரப்பாக இயங்கி வருகிறது.

இந்த நிலையில் அண்மையில் ஊடகம் ஒன்றிற்கு பேட்டியளித்த இயக்குநர் ஹெச். வினோத் ஸ்டண்ட் காட்சிகளில் அஜித் ஓட்டும் MV Agusta Brutale 800  பைக்கை பற்றி சிலாகித்து பேசியிருந்தார். குறிப்பாக அஜித்திற்கு எந்த அளவு பாதுகாப்பு கொடுக்கப்பட்டதோ அதே அளவு பாதுகாப்பு அந்த பைக்கிற்கும் கொடுக்கப்பட்டதாக குறிப்பிட்டு இருந்தார். இந்த நிலையில் அஜித் ஓட்டும் பைக்கில் இடம் பெற்றுள்ள சிறப்பம்சங்கள் என்ன என்பதை இந்த கட்டுரையில் பார்க்கலாம். 

MV Agusta Brutale 800 பைக்கின் எக்ஸ் ஷோரும் விலை ரூ 15,59,000 6 ஸ்பீடு கியர் பாக்ஸை உள்ளடக்கிய இந்த பைக் 12 வால்வுகளை கொண்டுள்ளது. 16.5 லிட்டர் கொள்ளளவு பெட்ரோல் டேங்கை கொண்டுள்ள இந்தப் பைக் 87 NM டார்க்கை கொண்டது.

பைக்கின் முன் சக்கரத்தில் டபுள் டிஸ்கை  ( Telescopic Hydraulic Fork)கொண்டுள்ள இந்த பைக் பின்சக்கரத்தில் ஒரு டிஸ்கை கொண்டுள்ளது. 2045 mm நீளமும், 875 mm அகலமும் கொண்ட இந்த பைக் 12 V - 8.6 Ah திறன் கொண்ட பேட்டரியை கொண்டுள்ளது. 789 cc என்ஜின்  கொண்ட இந்த பைக்கின் எடை 175 கிலோ வாகும். 

109 HP பவரை கொண்டுள்ள இந்த பைக்  MVICS (Motor & Vehicle Integrated Control System) இன்ஜக்‌ஷன் சிஸ்டத்தை கொண்டுள்ளது. அலாய் வீல்களை கொண்ட இந்த பைக் இரண்டு பக்கமும் டியூப்லெஸ் டயர்களை உள்ளடக்கியுள்ளது. மணிக்கு 234 முதல் 247 கிமீ வேகத்தில் செல்லும் இந்த பைக் 
Pearl Ice White/Sand Metallic Grey, Matt Avio Grey/Matt Metallic Black, Red/Silver உள்ளிட்ட நிறங்களில் கிடைக்கிறது. 

பைக்கில் இடம்பெற்றுள்ள ப்ளாட் ஹேண்டில்பார் பைக்கை ஓட்டும் ரைடர் திசை அமைப்புகளை விரைவாக மாற்ற உதவுகிறது. மேலும் இதில் இடம்பெற்றுள்ள ரைடிங் மோடு, பைக்கின் அமைப்பை சாலைகளுக்கு ஏற்றவாறு மாற்ற உதவுகிறது.