"ரஜினிபோல யாரும் இல்லை.." : காஷ்மீர் ஃபைல்ஸ் நடிகரும், ரஜினியும்.. மீட்டிங் ஏன்? வைரலாகும் க்ளிக்..

நேற்று மோடி தலைமையில் நடந்த கூட்டத்தில் பல பிரபலங்கள் கபந்துகொண்டனர். அப்போது ரஜினியும், அனுபம் கெர்ரும் சந்தித்துள்ளனர்.

அனுபம் கெர் - ரஜினிகாந்த்

பழம்பெரும் இந்தி நடிகர் அனுபம் கெர் தனது இன்ஸ்டாகிராம் பாலோயர்களுக்கு விருந்தளிக்கும் விதமாக சூப்பர்ஸ்டார் ரஜினிகாந்த் உடன் நடித்த புகைப்படம் ஒன்றை பதிவிட்டது வைரல் ஆகி உள்ளது.

ஜெயிலர் திரைப்படம்

சூப்பர் ஸ்டாரான ரஜினிகாந்த், தற்போழுது நெல்சன் இயக்கத்தில் தனது 'ஜெயிலர்' படத்தில் நடிக்கவுள்ளார். இந்த படத்திற்கு அனிருத் இசையமைக்க, சன் பிக்சர்ஸ் தயாரிக்கிறது. இந்த படத்தில் ரஜினி முதன்மை ஜெயில் காவலராக நடிக்க உள்ளதாக தெரிவிக்கப்படுகிறது. படத்தில் கன்னட சூப்பர் ஸ்டார் சிவராஜ்குமார், ஐஸ்வர்யா ராய் பச்சன், பிரியங்கா அருள் மோகன், யோகி பாபு மற்றும் ரம்யா கிருஷ்ணன் என பல முன்னணி நட்சத்திரங்கள் நடிக்கவுள்ளனர்.

டெல்லியில் ஷூட்டிங்

மேலும் ராக்கி, தரமணி திரைப்படங்களில் நடித்த வசந்த் ரவியி ஜெயிலர் படத்தில் ஒரு முக்கியமான கேரக்டர் நடிக்கவுள்ளார். இந்நிலையில் இந்த படப்பிடிப்பிற்காக டெல்லி சென்றுள்ள ரஜினிகாந்த் அங்கு நடக்கும் ஆசாதி கா அம்ரித் மஹோட்சவ் நிகழ்வில் கலந்துகொண்டார்.

ஆசாதி கா அம்ரித் மஹோத்சவ்

நாட்டின் 75வது சுதந்திர தின ஆண்டு, 'ஆசாதி கா அம்ரித் மஹோத்சவ்' என்ற பெயரில் கடந்த ஒரு ஆண்டாக கொண்டாடப்பட்டு வருகிறது. இதன் நிறைவு விழா வரும், 15ல் நடக்கவுள்ளது. இந்த கொண்டாட்டத்துக்காக பல பிரச்சாரங்கள் நடைபெற, அதில் நேற்று மோடி தலைமையில் நடந்த கூட்டத்தில் பல பிரபலங்கள் கபந்துகொண்டனர். அப்போது ரஜினியும், அனுபம் கெர்ரும் சந்தித்துள்ளனர்.

 

 

 

 

 

View this post on Instagram

 

 

 

 

 

 

 

 

 

 

 

A post shared by Anupam Kher (@anupampkher)

அனுபம் கெர் பதிவு

அந்த புகைப்படத்தில் மகிழ்வுடன் இருவரும் ஒன்றாக இணைந்து நிற்கின்றனர். அதில் அனுபம் கெர் கருப்பு நிற கோட் அணிந்திருக்க, ரஜினி எப்போதும்போல வெள்ளை நிற குர்தாவில் சிம்பிளாக இருந்தார். இந்த புகைப்படத்தை பதிவிட்டு அவர் எழுதியதாவது, "என் நண்பர் ரஜினிகாந்தை போன்றவர் வேறு எவரும் இல்லை. இருந்ததும் இல்லை, இருக்கப் போவதுமில்லை. உங்களை சந்தித்ததில் மகிழ்ச்சி ரஜினிகாந்த்" என்று எழுதி, ஆசாதி கா அம்ரித் மஹோட்ஸவ் ஹாஷ்டாகை பதிவிட்டிருந்தார்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர.

யூடியூபில் வீடியோக்களை காண.