Vettaiyan: ரஜினி ரசிகர்களே! நாளை வருது வேட்டையன் அப்டேட் - எத்தனை மணிக்கு?

ரஜினிகாந்த் நடித்துள்ள வேட்டையன் படத்தின் முக்கிய அப்டேட் நாளை காலை 10 மணிக்கு வெளியாகிறது. இதனால் ரசிகர்கள் உற்சாகம் அடைந்துள்ளனர்.

வேட்டையன் படத்தில் ரஜினி, பகத் ஃபாசில், அமிதாப்

Source : twitter

இந்திய சினிமாவில் சூப்பர் ஸ்டாராக கொண்டாடப்படுபவர் நடிகர் ரஜினிகாந்த். ஜெயிலர் படத்தின் பிரம்மாண்ட வெற்றிக்கு பிறகு நடிகர் ரஜினிகாந்த் அடுத்தடுத்து பிசியாக உள்ளார். இவரது நடிப்பில் வேட்டையன் படம் உருவாகியுள்ளது.

நாளை வேட்டையன் அப்டேட்:

இயக்குனர் ஞானவேல் இயக்கத்தில் உருவாகியுள்ள இந்த படம் விரைவில் வெளியாக உள்ளது. லைகா ப்ரொடக்‌ஷன்ஸ் தயாரிப்பில் உருவாகியுள்ள இந்த வேட்டையன் படத்தின் முக்கிய அப்டேட் ஒன்று நாளை வெளியாக உள்ளது. நாளை காலை 10 மணியளவில் இந்த அறிவிப்பு வெளியாக உள்ளது.

படத்தின் டீசர், ட்ரெயிலர் குறித்த முக்கிய அறிவிப்பு வெளியாகும் என்று எதிர்பார்க்கப்படுகிறது. இதனால், ரஜினிகாந்தின் ரசிகர்கள் மிகுந்த உற்சாகம் அடைந்துள்ளனர். ஒரு புறம் கூலி படத்தின் படப்பிடிப்பு விறுவிறுப்பாக நடைபெற்று வரும் சூழலில், வேட்டையன் படத்தின் முக்கிய அப்டேட் வெளியாக இருக்கிறது.

ரஜினி ரசிகர்கள் உற்சாகம்:

வேட்டையன் படத்தில் நடிகர் ரஜினிகாந்துடன் அமிதாப் பச்சன், பகத் பாசில், மஞ்சுவாரியர் உள்ளிட்ட பலரும் நடித்துள்ளனர். இந்த படத்திற்கு அனிருத் இசையமைத்துள்ளார். ஜெய்பீம் படத்தை இயக்கிய ஞானவேல் இந்த படத்தை இயக்குவதாலும், இந்தியாவின் இரு பெரும் சூப்பர்ஸ்டார்களான அமிதாப்பச்சனும், ரஜினிகாந்தும் இணைந்து நடிப்பதாலும் இந்த படத்தின் மீது மிகப்பெரிய எதிர்பார்ப்பு ஏற்பட்டுள்ளது. இந்த படம் அக்டோபர் அல்லது நவம்பர் மாதம் வெளியாகும் என்று எதிர்பார்க்கப்படுகிறது.

விடாமுயற்சி, கோட், கங்குவா என தமிழின் மிகப்பெரிய நடிகர்களின் படங்களின் முக்கிய அப்டேட்கள் அடுத்தடுத்து வெளியாகி வரும் சூழலில் வேட்டையன் படத்தின் அப்டேட்டும் நாளை வெளியாக இருப்பது தமிழ் சினிமா ரசிகர்கள் மத்தியில் மகிழ்ச்சியை ஏற்படுத்தியுள்ளது. வேட்டையன் படத்திற்கான படப்பிடிப்பு நெல்லை உள்ளிட்ட பகுதிகளில் நடைபெற்றது என்பது குறிப்பிடத்தக்கது.