10 hours Review : சிபிராஜ் நடித்துள்ள 10 Hours பட விமர்சனம் இதோ
இளையராஜா களியப்பெருமாள் இயக்கத்தில் நடிகர் சிபிராஜ் நடித்து கடந்த வாரம் வெளியான படம் 10 ஹவர்ஸ் படத்தின் முழு விமர்சனம் இதோ
இளையராஜா களியப்பெருமாள் இயக்கத்தில் நடிகர் சிபிராஜ் நடித்து கடந்த வாரம் வெளியான படம் 10 ஹவர்ஸ். கஜராஜ் ,திலீபன் , ஜீவா ரவி , சரவண சுப்பையா , ராஜ் ஐயப்பன் , ஆடுகளம் முருகதாஸ் மற்றும் பலர் இப்படத்தில் நடித்துள்ளார்கள். த்ரில்லர் படமாக உருவாகியிருக்கும் 10 ஹவர்ஸ் படத்தின் முழு விமர்சனத்தை இங்கே பார்க்கலாம்
10 ஹவர்ஸ் விமர்சனம்
தனது மகளை காணவில்லை என பெண் ஒருவர் காவல் துறையில் புகாரளிக்கிறார். சிக்கலான பிரச்சனைகளை புத்திசாலித் தனமாக சால்வ் செய்யும் இஸ்பெக்டராக அறிமுகப் படுத்தப்படுகிறார் காஸ்ட்ரோ (சிபிராஜ்). காணாமல் போன ஒரு கல்லூரி பெண்ணை தேடும் கதையாக தொடங்கும் கதையில் அடுத்தடுத்த பல திருப்பங்களை இணைத்து சுவாரஸ்யமான ஒரு படமாக சொல்ல முயற்சித்திருக்கிறார் இயக்குநர். ஒரே இரவில் தொடங்கி ஒரே இரவில் முடியும் இந்த படத்தில் பல சுவாரஸ்யமான அம்சங்கள் சுமாரான திரைக்கதையால் இணைக்கப்பட்டிருக்கின்றன.
ஒரே நைட்டில் தொடங்கி முடிவது போல் பல த்ரில்லர் படங்கள் வெளியாகி இருக்கின்றன. இந்த மாதிரியான த்ரில்லர் படங்களின் மிகப்பெரிய பலமே அடுத்த நொடியில் நடக்கப்போவதை ரசிகர்களிடம் மறைத்து வைத்து அதை லாவகமாக வெளிப்படுத்துவதுதான் . பார்வையாளர்களை உணர்வுப்பூர்வமாக படத்துடன் தொடர்பு படுத்திவிட்டால் இந்த புதிர்கள் சிறப்பாக வர்க் அவுட் ஆகும் . ஆனால் உணர்ச்சிகளுக்கு முக்கியத்துவம் அளிக்காமல் காட்சிகளை நகர்த்துவதில் மட்டும் கவனம் செலுத்தியிருப்பதால் இப்படத்தில் பார்வையாளர்களால் பெரிதாக ஒன்ற முடிவதில்லை.
எந்த வித சவாலும் இல்லாமல் நாயகன் அடுத்தடுத்து புதிர்களை அவிழ்ப்பது படத்தின் மீதான ஈடுபாட்டை குறைக்கிறது. அடுத்தடுத்து வரும் கதாபாத்திரங்கள் ஃபிளாஷ்பெக் வழியாக கதையை சொல்வது படத்தின் இயல்பான ஓட்டத்தை கெடுக்கிறது. சிபிராஜ் தனது நடிப்பை சிறப்பாக செய்திருந்தாலும் அவரது கதாபாத்திரம் இன்னும் வெயிட்டாக எழுதப்பட்டிருக்க வேண்டும்
2 மணி நேரம் நீளமுள்ள படத்தில் பாடல்கள் இல்லாதது ஒரு பெரிய பலம் ஜெய் கார்த்திக்கின் ஒளிப்பதிவு பாராட்டத் தக்கது
தலைப்பு செய்திகள்
ட்ரெண்டிங் செய்திகள்
