Ramayana Glimpse : 4000 கோடி செலவில் ஹாலிவுட் தரத்தில் வெளியான ராமாயணா படத்தின் க்ளிம்ப்ஸ் வீடியோ

Ramayana Movie Glimpse : ரன்பீர் கபூர் , சாய் பல்லவி மற்றும் யாஷ் நடித்துள்ள ராமாயணா படத்தின் முன்னோட்டம் வெளியாகியுள்ளது

ராமாயணா , ரன்பீர் கபூர் , சாய் பல்லவி

Source : X

நமித் மல்ஹோத்ரா தயாரிப்பில் நிதேஷ் திவாரி இயக்கத்தில் சுமார் 4000 கோடி பட்ஜெட்டில் உருவாகியுள்ள திரைப்படம் ராமாயணா. ரன்பீர் கபூர் இப்படத்தில் ராம்னாகவும் சாய் பல்லவி சீதையாகவும் நடித்துள்ளனர். யாஷ் ராவணனாக நடித்துள்ளார். ஏ ஆர் ரஹ்மான் மற்றும் ஹான்ஸ் ஸிம்மர் இணைந்து இப்படத்திற்கு இசையமைத்துள்ளார்கள். இந்த ஆண்டு தீபாவளியை முன்னிட்டு திரையரங்குகளில் இப்படம் வெளியாக இருக்கும் நிலையில் படத்தின் க்ளிம்ப்ஸ் வீடியோ தற்போது வெளியாகி ரசிகர்களிடம் வரவேற்பைப் பெற்றுள்ளது 

2016 ஆம் ஆண்டு ஆமீர் கான் நடித்த தங்கல் திரைப்படத்தை இயக்கி உலகளவில் ரூ2000 கோடி வசூல் வெற்றி தந்தவர் நிதேஷ் திவார். இவர் தற்போது இந்திய இதிகாசமான ராமாயணத்தை இரண்டு பாக திரைப்படமாக உருவாக்கி வருகிறார். கடந்த 2024 ஆம் ஆண்டு இப்படத்தின் படப்பிடிப்பு துவங்கியது. மும்பையில் ஃபிலிம் சிட்டியில் மாபெரும் செட் அமைக்கப்பட்டு படத்தின் பெரும்பாலான காட்சிகள் படமாக்கப்பட்டன. அவதார் , இண்டர்ஸ்டெல்லர் போன்ற படங்களுக்கு வி.எஃப்.எக்ஸ் செய்த DNEG நிறுவனம் இந்த படத்தில் பணியாற்றியுள்ளது. இந்திய சினிமாவின் வரலாற்றில் மிகப்பெரிய பட்ஜெட்டில் உருவாகியுள்ள திரைப்படம் இது என்பது குறிப்பிடத் தக்கது. 

ஏற்கனவே ராமாயணம் கதை ஒரு சில முறை திரைப்படங்களாக எடுக்கப்பட்டிருக்கிறது. சில ஆண்டுகள் முன்பு பிரபாஸ் நடித்த ஆதிபுருஷ் திரைப்படம் வெளியானது. சுமார் ரூ500 கோடி பட்ஜெட்டில் உருவான ஆதிபுருஷ் திரைப்படம் அதன் வி.எஃப்.எக்ஸ் காட்சிகளுக்காக ரசிகர்களால் ட்ரோல் செய்யப்பட்டது. ஆனால் நிதேஷ் திவாரியின் ராமாயணா வியக்கவைக்கும் தொழில்நுட்ப நேர்த்தியுடன் உருவாகியுள்ளதை இந்த முன்னோட்டத்தில் பார்க்க முடிகிறது. கிராஃபிக்ஸ் காட்சிகள் மிக தத்ரூபமாக உருவாகியுள்ளன. இந்த முன்னோட்டத்தில் ராமனை பிராதமான காட்சிபடுத்தியுள்ளார்கள். சீதையாக நடித்துள்ள சாய் பல்லவி மற்றும் ராவணனாக நடித்து யாஷி கதாபாத்திரங்கள் இனிவரும் முன்னோட்டங்களில் வெளியிடப்படும் என்று எதிர்பார்க்கலாம். 

Rama is the greatest of all time because he lived a life where the choices he made were always in the benefit of the greater good, duty over desire, and sacrifice over self.

His legacy continues to enhance and empower humanity over time and bring the belief in the goodness of… pic.twitter.com/pMGMhb7RIH

— The World Of Ramayana (@WorldOfRamayana) April 2, 2026