Thalaivar 174 : தலைவரின் அடுத்த ஆட்டம் குறித்த சூப்பர் அப்டேட்... இந்த முறை இவருடன் கூட்டணி சேர்கிறாரா?

Thalaivar 174 : தலைவர் 174 படத்தில் இயக்குநர் மாரி செல்வராஜ் உடன் கூட்டணி சேர உள்ளார் நடிகர் சூப்பர் ஸ்டார் ரஜினிகாந்த் என்ற புதிய அப்டேட் ஒன்று வெளியாகியுள்ளது.

தலைவர் 174 - ரஜினிகாந்த் - மாரி செல்வராஜ்

Source : twitter

 

தலைவரு களத்துல சூப்பர் ஸ்டாருடா... என்ற இந்த பாடல் வரிகள் தமிழ் சினிமாவின் சூப்பர் ஸ்டார் ரஜினிகாந்த்துக்கு மட்டுமே பொருந்தும். 73 வயதிலும் கில்லி போல சுழலும் நடிகர் ரஜினிகாந்த் நடிப்பில் தற்போது வேட்டையன், கூலி உள்ளிட்ட படங்கள் வரிசை கட்டி காத்திருக்க அவரின் அடுத்த படம் குறித்த அசத்தலான அப்டேட் ஒன்று தற்போது வெளியாகி அசர வைத்துள்ளது.  

 

டி.ஜே. ஞானவேல் எழுதி இயக்கியுள்ள தலைவரின் 170வது படமான  'வேட்டையன்' படம் வரும் அக்டோபர் மாதம் வெளியாக இருக்கும் சூழல் அப்படத்திற்கான டப்பிங் பணிகள் மிகவும் தீவிரமாக நடைபெற்று வருகிறது. அடுத்ததாக லோகேஷ் கனகராஜ் கூட்டணியில் நடிகர் ரஜினிகாந்த் இணைந்துள்ள தலைவர் 171 படமான 'கூலி' படத்தின் படப்பிடிப்பு சமீபத்தில் தான் துவங்கியது. இது ஃபேன்டஸி கலந்த ஆக்‌ஷன் படமாக உருவாகியுள்ளதாக கூறப்படுகிறது. இதில் நெகட்டிவ் ஷேட் கொண்ட கதாபாத்திரத்தில் நடிக்க கூடும் என கணிக்கப்பட்டுள்ளது. கூலி படத்தின் படப்பிடிப்பு முழுமையாக முடிவடைந்தவுடன், நெல்சன் திலீப்குமாரின் 'ஜெயிலர் 2' படப்பிடிப்பில் ஈடுபடுவார் என எதிர்பார்க்கப்படுகிறது. 

 

இப்படி அடுத்தடுத்து கால்ஷீட் கொடுத்து மிகவும் பிஸியாக இருந்து வரும் ரஜினிகாந்த் அடுத்ததாக தமிழ் சினிமாவின் மிக முக்கியமான இயக்குநர்களில் ஒருவரான மாரி செல்வராஜுடன் கூட்டணி சேர்ந்துள்ளார். 

 

 

மாரி செல்வராஜ் - ரஜினிகாந்த் இணையும் இப்படத்திற்கு தற்காலிகமாக  'தலைவர் 174' என பெயரிடப்பட்டுள்ளது. இதற்கு இடையில் தலைவர் 172 ஒரு விரலை ஜெயிலர் 2வாக இருக்கலாம் என்றும் தலைவர் 173 படம் குறித்த தகவல் இன்னும் வெளியாகவில்லை. இப்படங்களை தொடர்ந்து மாரி செல்வராஜின் இயக்கத்தில்  'தலைவர் 174' படத்தில் இணைய உள்ளார் என தகவல்கள் தெரிவிக்கின்றன. 

தலைவர் 174 படத்தை 7 ஸ்க்ரீன் ஸ்டுடியோவின் கீழ் லலித் குமார் தயாரிக்கவுள்ளார் என்றும் சந்தோஷ் நாராயணன் இசையமைக்க உள்ளார் என்றும் கூறப்படுகிறது. படத்தின் மற்ற நடிகர்கள் தொழில்நுட்ப கலைஞர்கள் குறித்த விவரங்கள் இதுவரையில் வெளியாகவில்லை. தலைவர் இப்படி அடுத்தடுத்து படங்களில் நடித்து உற்சாகப்படுத்துவது ரசிகர்களுக்கு மிகவும் குதூகலமாக உள்ளது.