Suriya 44: சூர்யா 44 படத்தின் நாயகியான பூஜா ஹெக்டே.. நட்சத்திரங்களைத் திரட்டும் கார்த்திக் சுப்பராஜ்!

கார்த்திக் சுப்பராஜ் இயக்கத்தில் சூர்யா நடிக்க இருக்கும் சூர்யா 44 படத்தில் பூஜா ஹெக்டே நாயகியாக நடிக்க இருக்கிறார்.

சூர்யா , பூஜா ஹெக்டே, ஜெயராம், கருணாகரன் (Image source: Twitter)

சூர்யா 44

ஜிகர்தண்டா டபுள் எக்ஸ் படத்தின் தரமான வெற்றிக்குப் பின் இயக்குநர் கார்த்திக் சுப்பராஜ் சூர்யாவின் 44ஆவது படத்தை இயக்க இருக்கிறார். கடந்த மார்ச் மாதம் இப்படத்தின் அறிவிப்பு வெளியானது. ஸ்டோன் பெஞ்ச் ப்ரோடக்‌ஷன்ஸ் மற்றும் சூர்யாவின் 2D என்டர்டெயின்மென்ட் இணைந்து இப்படத்தை தயாரிக்க உள்ளன. இப்படத்தின் படத்தின் நாயகியை அறிவித்துள்ளார் இயக்குநர் கார்த்திக் சுப்பராஜ்.

பூஜா ஹெக்டே

சூர்யா 44 படத்தில் சூர்யாவுக்கு ஜோடியாக பூஜா ஜெக்டே இணைந்துள்ளார். மிஸ்கின் இயக்கிய முகமூடி படத்தில் நாயகியாக அறிமுகமான பூஜா ஜெக்டே விஜய் நடித்த பீஸ்ட் படத்தில் கம்பேக் கொடுத்தார். தெலுங்கில் அல்லு அர்ஜூன் நடித்த அல வைகுந்தபுரமுலோ படத்தில் இடம்பெற்ற புட்ட பொம்மா பாடல் இவருக்கு பான் இந்திய அடையாளத்தைப் பெற்றுத் தந்தது.

ஜெயராம்

மலையாள நடிகர் ஜெயராம் சூர்யா 44 படக்குழுவில் இணைந்துள்ளார். மணத்னம் இயக்கிய பொன்னியின் செல்வன் படத்திற்கு பிறகு கார்த்திக் சுப்பராஜ் இயக்கத்தில் நடிக்க இருக்கிறார்.

கருணாகரன்

ஜிகர்தண்டா, இன்று நேற்று நாளை , அயலான் முதலிய படங்கள் நடித்த நகைச்சுவை நடிகர் கருணாகரன் சூர்யா 44 படக்குழுவில் இணைந்துள்ளார்.

ஒளிப்பதிவாளர் ஷ்ரெயாஸ் கிருஷ்ணா

Happy to reunite again with the brilliant visual narrator - cinematographer, @kshreyaas as he joins us for #Suriya44 🔥

Welcome onboard #ShreyaasKrishna 🎥#LoveLaughterWar ❤️‍🔥#AKarthikSubbarajPadam 📽️@Suriya_offl @Music_Santhosh @rajsekarpandian @kaarthekeyens @2D_ENTPVTLTD… pic.twitter.com/dKMbXhKrVP

— karthik subbaraj (@karthiksubbaraj) May 29, 2024

சூர்யா 44 படத்துக்கு ஷ்ரெயாஸ் கிருஷ்ணா ஒளிப்பதிவு செய்ய இருக்கிறார். இவர் கார்த்திக் சுப்பராஜின் முந்தைய படங்களான ஜகமே தந்திரம், மகான் உள்ளிட்ட படங்களுக்கு ஒளிப்பதிவு செய்துள்ளார். இது தவிர்த்து ஜில் ஜங் ஜக், சீதா ராமம், ராக்கி, லவ்வர் உள்ளிட்ட படங்களுக்கு ஒளிப்பதிவு செய்துள்ளார்.

கலை இயக்குநர் ஜாக்கி

A dream architect for every director's vision!
Elated to join hands with the master craftsman, @jacki_art for #Suriya44 🔥

Welcome onboard #Jacki sir 🏰#LoveLaughterWar ❤️‍🔥#AKarthikSubbarajPadam 📽️@Suriya_Offl @Music_Santhosh @rajsekarpandian @kaarthekeyens @kshreyaas… pic.twitter.com/AORvzPiV5Y

— karthik subbaraj (@karthiksubbaraj) May 29, 2024

ஜாக்கி இப்படத்திற்கு கலை இயக்குநராக நியமிக்கப்பட்டுள்ளார். இவர் முன்னதாக பருத்திவீரன், ஆடுகளம், விசாரணை, வடசென்னை, அசுரன், சூரரைப் போற்று உள்ளிட்ட படங்களில் கலை இயக்குநராக பணியாற்றி இருக்கிறார்.

படத்தொகுப்பாளர் ஷஃபிக் முகமத் அலி

Defining and refining every movie one cut at a time⚡ The meticulous craftsman @cheps911 joins the #Suriya44 crew

Welcome onboard #ShafiqueMohamedAli 🎞️#LoveLaughterWar ❤️‍🔥#AKarthikSubbarajPadam 📽️@Suriya_Offl @Music_Santhosh @rajsekarpandian @kaarthekeyens @kshreyaas… pic.twitter.com/ZmV5MWvfYZ

— karthik subbaraj (@karthiksubbaraj) May 29, 2024

சூர்யா 44 படத்துக்கு தமிழ் மற்றும் மலையாள படங்களில் பணியாற்றி வரும் ஷஃபிக் முகமத் அலி படத்தொகுப்பு செய்கிறார். முன்னதாக மேயாத மான் , ஜிகர்தண்டா டபுள் எக்ஸ் , கார்கி உள்ளிட்ட படங்களில் பணியாற்றியுள்ளார்.

சூர்யா 44 படத்தில் நடிக்க இருக்கும் பிற நடிகர்கள், இசையமைப்பாளர் பற்றிய தகவல்கள் விரைவில் வெளியாகும் என எதிர்பார்க்கப்படுகிறது.