PS1 Box Office Prediction: முதல் நாளே வசூல் மழையில் சோழர்கள்... பொன்னியின் செல்வன் Box Office அடேங்கப்பா!

PS1 First Day Collection Prediction: தமிழ் சினிமாவின் 50 வருட கனவுப்படமான பொன்னியின் செல்வன் 5 மொழிகளில் உலகமெங்கும் இன்று வெளியாகியுள்ளது.

பொன்னியின் செல்வன்

மணிரத்னம் இயக்கிய பொன்னியின் செல்வன் படம் முதல் நாளில் எவ்வளவு கோடி வசூல் செய்யும் என கணிக்கப்பட்டுள்ளது.

கல்கியின் ’பொன்னியின் செல்வன்’ நாவலைத் தழுவி அதே பெயரில் பொன்னியின் செல்வன் என்ற படம் இரண்டு பாகங்களாக எடுக்கப்பட்டுள்ளது. இப்படத்தில் விக்ரம், கார்த்தி, ஜெயம் ரவி, த்ரிஷா, ஐஸ்வர்யா ராய், சரத்குமார், ஜெயராம், சரத்குமார், ஐஸ்வர்யா லட்சுமி, விக்ரம் பிரபு உள்ளிட்ட மிகப்பெரிய நட்சத்திரப் பட்டாளமே நடித்துள்ளது.   மணிரத்னம் இயக்கியுள்ள இப்படத்துக்கு  ஏ.ஆர்.ரஹ்மான் இசையமைத்துள்ளார். ரவி வர்மன் ஒளிப்பதிவு செய்துள்ளார்.

 

 

 

 

 

View this post on Instagram

 

 

 

 

 

 

 

 

 

 

 

A post shared by Lyca Productions (@lyca_productions)

பொன்னியின் செல்வன் ட்ரெய்லர் மற்றும் இசை வெளியீட்டு விழா கடந்த செப்டம்பர் 6 ஆம் தேதி நடைபெற்றது. 5 மொழிகளில் உருவாகியுள்ள இப்படத்தின் முதல் பாகம் இன்று உலகமெங்கும் ரிலீசானது. மேலும் எங்கு பார்த்தாலும் பொன்னியின் செல்வன் குறித்த பேச்சுக்கள் தான் காணப்பட்ட நிலையில் முன்னதாக படக்குழுவினர் கேரளா, பெங்களூர், ஹைதராபாத், மும்பை, டெல்லி ஆகிய இடங்களுக்கு சென்று படத்தின் ப்ரோமோஷன் பணிகளில் ஈடுபட்டனர். 

#OrmaxCinematix FBO for today's major Tamil release Ponniyin Selvan - PSI: Apart from ₹23.6 Cr in Tamil Nadu (including fixed hires), the film is expected to gross an additional ₹9.8 Cr across the rest of India, leading to a total domestic gross FBO of ₹33.4 Cr pic.twitter.com/CcQA6V4GuY

— Ormax Media (@OrmaxMedia) September 30, 2022

எதிர்பார்ப்பை பூர்த்தி செய்வது போல படம் மேக்கிங்கில் சூப்பராக வந்துள்ளதாகவும், அனைத்து கேரக்டர்களும் சிறப்பான நடிப்பை வெளிப்படுத்தியுள்ளதாகவும் ரசிகர்கள் கருத்து தெரிவித்துள்ளனர். அதேசமயம் புத்தகம் படிக்காதவர்களுக்கு கூட கதை புரியும்படி திரைக்கதை அமைக்கப்பட்டுள்ளதாகவும் தெரிவிக்கப்பட்டுள்ளது.  

இந்நிலையில் பெரும் எதிர்பார்ப்புகளுக்கிடையே வெளியாகியுள்ள பொன்னியின் செல்வன் படம் முதல் நாளில் ரூ.33.4 கோடி வசூலிக்கும் என கணிக்கப்பட்டுள்ளது. 5 மொழிகளில் படம் வெளியான நிலையில் தமிழில் ரூ.23.6 கோடியும், பிற மொழிகளில் ரூ.9.8 கோடியும் வசூலிக்கும் என எதிர்பார்க்கப்படுகிறது. இதனால் பொன்னியின் செல்வன் ரசிகர்கள் மகிழ்ச்சியடைந்துள்ளனர்.